Skancia

A mediu branu mio güela consiguió marchar. Yá nun yera quien a poner orde na so casa y a manexar la so vida. Nun s'alcordó de volver a dispidise de mí, anque yá lo venia faciendo nes últimes selmanes. 101 años dan pa muncho que contar.

Dacuando los xueves paecen sábados. Sicasí, ayeri miércoles nun s’asemeyó pa na a un vienres llargu y eternu. En verdá, pa ser xustos y honestos, los xueves ya nun paecen sábados, nin siquiera los sábados son sábados. Nun se, paez que les coses camudaron tanto que los díes ya nun son los díes. Mañana vienres toquen Skama y La Tarrancha na Felguera, y el sábadu Corquiéu y Dixebra nel Mercáu Tradicional de La Flor en L.lena. Quiciabes sí que se mantienen les coses como siempres y ye cosa mía. 3652

Pasa'l tiempu volando. Yá tamos a domingu y queda poco pa les vacaciones de Selmana Santa. Esti añu en Lledíes les tardes pasen seles, calmes y ensin ruíu. Tiempos pa construyir l'Academia del Cine Asturiano, pa nun acabar de rematar el guión de Yoni, pa pensar en facer películes de Enfantes Terribles y pa nun facer muncho más que na. La pausa del estrenu de "Lluz d'agostu en Xixón. Tres los pasos de Nacho Vegas " nel Ficx fizo que volviera a esfrutar de les butaques llenes nos pocos cines que queden. Espero que la primavera traiga más hores de sol y lluz pa poder mover la mesa del salón y empapar de tinta les fueyes blanques y volver l'añu prósimu.

Día 0: Nun se...munches. Munches hores ehí enriba.  Nueche 0:  Nel Malecom les guitarres siguen tando muncho más presentes que'l soníu ranciu de la música enlatada en teléfonos móviles. Los mozos traten de ganase con elles el corazón y los bolsiellos de moces y turistes. Los coches Lada llancen ritmos tecno noventeru peles sos ventanilles. Nengún coche baxa de los 90-100km/h nesti paséu marín. Fai chornu y humedá. La cai tá petada de xente. Día 1:  En La Habana vieya hai escueles de tres pisos onde van 196 neños y neñes de 5 a 11 años a deprender la educación básica.Mañana tienen la fiesta de fin de cursu nesta. Les maestres y la directora quéxense de la tremenda escasez de materiales. Tamién muéstren con arguyu los trabayos de l'alumnáu. Nada más noble y humanu qu'una escuela Tarde 1:  La Habana vieya ye decadente. El barriu nun son les cais atestaes de turistes a la gueta d'un mediocre 'mojito' en La Bodeguita del Medio.

Va nueve años, mi güela Oliva cumplía tal día como güei 91 añinos. Hoi prepare-y un flan de güevu, lleche y zucre pa los sos 100 años. Después xuega'l Sporting y fai sol. Va nueve años

Van 15 díes yá andaos del añu nuevu, ye domingu, son les ocho y veinticinco la mañana. Fai dalgo de fríu, non tanto como nos díes venideros. El día antes tocó tovia andar pel ximnasiu d'embaxo casa. Unes pateaduques na cinta de correr. Nada más allá d'eso. Van 15 díes andaos del añu y son les ocho y veinticinco la mañana.