Skancia

Pasa'l tiempu volando. Yá tamos a domingu y queda poco pa les vacaciones de Selmana Santa. Esti añu en Lledíes les tardes pasen seles, calmes y ensin ruíu. Tiempos pa construyir l'Academia del Cine Asturiano, pa nun acabar de rematar el guión de Yoni, pa pensar en facer películes de Enfantes Terribles y pa nun facer muncho más que na. La pausa del estrenu de "Lluz d'agostu en Xixón. Tres los pasos de Nacho Vegas " nel Ficx fizo que volviera a esfrutar de les butaques llenes nos pocos cines que queden. Espero que la primavera traiga más hores de sol y lluz pa poder mover la mesa del salón y empapar de tinta les fueyes blanques y volver l'añu prósimu.

Cosines d'escuela, de cómo usar l'audiovisual nes aules... "Los guah.es quieren trabayar, crear yenseñar les sos películes"

Y mientre, tuvimos contando hestories de cine

Pente medies del falsu branu, un requexu al marxe de la vida.

Hoi na sección Escolinos de La Nueva España, cuntando un pocoñín la mio esperiencia nes aules... [un pocoñín]

Namás entrar al patiu, l’arume a ocle y salitre métensete dientro y faense fuertes. Cuatrocientos guelpes funden les rexes que separten la escuela del sablón [enllenu de coses de la mar]. Dende la cancha de la escuela acolúmbrase l’horizonte del norte de la talaya. Mentanto, los suaños repítense cuasi reales esperando la nortiada friolera.    

Esti añu cambio occidente por oriente, monte por mar, escuelina por escuelona... Tocame conocer de cerca a los neños y neñes de Ribeseya. Mañana entama la nueva aventura.

El primer capítulu de la mio aventura como maestru peles escueles d'Asturies acaba esti mes. Toca zarrar el maletu colos deberes, les fiches, les hestóries y los cuentinos de les neñes y los neños, y abrir la caxa del audiovisual pa facer dalguna cosuca curiosa esti mes qu'entra. Mentantu, mientres preparo les memories propies del cursu, entrevístennos pa que cuntemos cómo se trata de concienciar a un pueblu pa que tome en consideración so suyo.

Nel espaciu "Naguando" del programa El Tren de la RPA, ficieronme ayer una entrevistuca al rodiu del spot que los escolinos del CRA ficieron pa promocionar la matriculación en llingua asturiana. Les neñes y neños tan encantaos cola "fama" que tan garrando

Y al acabar lo meyor ye fuxir pente les ñubes y sentir

Confesiones de los profesores de la enseñanza pública. Tamos perdíos, compañeros y compañeres de la enseñanza pública, afayáronnos, van llevantanos el chiringu, van privatizanos pa que sepamos lo que ye bonu, acabósenos el choyu, sálvese quien pueda. Siamos, pos, valientes y reconozamos d'una vegada toles nueses traiciones, confesemos les nueses perfidies y vilezas como pide la lexón de tertulianos, columnistes y pintorescos bonales collaboradores na campaña antienseñanza pública. Los profesores de la enseñanza pública, y yo’l primeru, somos, por casu, culpables de que dellos alumnos nos lléguen a clase ensin almorzar ya ensin asease, ayunaos y puercos, pos, si cumpliéramos cola nuesa obligación, madrugaríamos más y diríamos a les cases de cada rapaz pa desaniciar que la so ma tea dormida y que’l pá nun volviera de quién sabe ónde. Los maestros de la enseñanza pública, y yo el primeru, somos culpables de que suspendan y estrocen asina les estadístiques los alumnos búlgaros, chin...

Les escueles de La Pereda y El Pedregal tan nunos edificiucos avieyaos, sicasí les aules nun tan mal. Los neños y les neñes d’El Pedregal y La Pereda tienen perros, pitas, cabres, gatos, xatos, y vaques… munches vaques y lo que más-yos presta ye montar en bicicleta y atar a los xatos. Les ruedes del coche van enllenandose pasín ente pasu de cucho. Primer selmana acabada.

Tuña ta n’obres. Tan anovando’l sistema de saneamientu. Pegaes a les ventanes grandes de la escuelina primera, les máquines faen furacos y meten ruíu. Los rapacinos dicen que van facer que la escuelina tenga qu’esnalar pa nun caer. Na escuela de los mayores, el ruíu ye menos y permítenos falar de caíes y operaciones, amás de pites, ponis, gatos y perros.

Y n’esto qu’esti vienres mándenme dir a firmar un contratu pa dar clases d’asturianu. Y n’esto qu’el llunes entamo a andar peles escuelines del conceyu de Tineu, les que tan nel CRA Eugenia Astur. Y n’esto que siento una emoción que llena los mios güeyos de rabia. Y n’esto que siento un pequeño alloríu, y miueu, muncho mieu y respetu. Y n’esto que llegara’l llunes. Y blinco.