Skancia

26/02/2010 El cineasta y xestor cultural protagoniza la Entrevista de la selmana Pablo A. Quiroga Prendes ye cineasta, xestor cultural y dirixe Algamar Producciones, una productora que trabaya d’una manera amplia nel campu de la cultura. Nos últimos meses Algamar presentóse como una de les productores musicales que más crez, mientres Quiroga sigue faciendo cine y ganando premios colos sos trabayos, faciendo hasta dalguna incursión na lliteratura. Falamos con él de la situación de la cultura n’Asturies y de los sos proyectos personales y d’empresa. -¿Qué lu lleva tomar la iniciativa d’entamar una empresa y a facelo nel campu cultural? -Lo primero que llegó foi la cultura, el tema empresarial vien dempués, motiváu poles necesidaes técniques de dalgunos proyectos. L’audiovisual foi la estaya cultural que llegó de primeres con más puxu. Aforré pa mercar una camaruca casera y entamé a xugar con ella y colos mios collacios de Carrió un fríu mes de febreru de va más d’una década. Esi xuegu de...

Ella ye Tata y Ariel ye Andrea, y agora yo rebusco segundos ente les hores, sin manera d'atopalos. Nun ye fácil preparar un rodaxe n'estes condiciones onde nun queden momentos arrequexaos n'algún tiempucu perdíu. Pero nun voi quexame más. Toi contentu de tener xente tan buena al mio llau n'esti proyeutu, y de xuru que, como nos otros, n'aquellos que prestaron facelos, vamos pasalo mui bien y va a quedar una hestoria perguapa. Rodaremos (ceo).

Ellos, que lluchaben polo suyo, que dicien yera lo nuesu, nun fueron quien a dexanos esfrutar del nuesu amor a la lluz del día. Na más quedaron los chigres d’abellugu y les nueches a escondies

Y quisieron enllenar Asturies de gatos. prietos, pintos y blancos, de la cai, de Persia, d’ angora. Quisieron enllenala de gatos, pa que dalgún d’ellos silenciáranos comiéndonos la llingua

Los domingos, agora, son domingos. Los domingos toca nun facer nada. Los domingos llénense d'orpín, de ñubes murnies y de gaviotes que vuelen escontra l'aire. [Pudiendo ser frustración o miseria compartida] [ Nun te me acerques tristeza aprieta y asfixia a quien nun creya en ti. De xuru desgastes mio llerza al ver los collacios rendise ante ti. Regálame un cantar que faiga sentir que rabie la pena y nun pueda con nos, que agüeye al rodiu y pueda sonreir los mesmos de siempre siguimos equí.] [Y que cuando estoy a solas no es que yo sea masoca, sólo estoy lleno de miedos de condenas, de barrotes. Siendo esclavo de tu nombre, del recuerdo y de lo pobre, que es pensar que cada noche yo te escribo y tu no oyes. ]

[...] La mio sorrisa marchó detrás de la tuya, a buscala ¿Úla?

[...]Enol siéntase nel bancu de piedra, al llau de María y Lluis, y mete la mano na bolsa gusanitos pa tratar de garrar un puñau d’ellos. La metá vuelen al picu los gurriones pintos que taben esperandolu como tolos sábados a la hora’l vermut, y de la otra metá, tres cuartes partes van parar al abrigu nuevu.[...]

A mí préstenme les semeyes movides. Eses semeyes que salen emborronades por mor de la esposición escesiva de la cámara, o pol mal pulsu de quien la garra nes sos manes pa da-y al botón. Préstenme cuando tan mezclaes con otres d’eses que se diz “bien feches”. Una cosa ye que me presten movides, pero tamién les quietes tienen el so puntín. Les semeyes movides danme la sensación de que tan vives, de que la xente que sal n’elles nun ta conxelao, que vivía y esfrutaba’l momentu. Les otres semeyes, les bien feches, préstenme pa recordar llugares o momentos concretos. Préstenme cuando veo unos güeyos abiertos mirándome. Paéz que m’ apetez xugar a eso de a ver quién ta más tiempu sin ciguñar o sin riise, pero ta nidio que nun diba a ganar enxamas. Préstenme a más, les semeyes nes que la sorrisa qu’apaez n’elles faeme sacar una a mi. Dalgunes nueches, eses sorrises estátiques, eses sorrises que duren lo que duraron son la mio única compañía. […]

Nun se mui bien de qué manera esplicar la sensación d’emoción y allegría que me da ver cómo van desendolcandose dellos proyeutos nos que tuve dalgo que ver. Refierome por exemplu al estrenu del discu de La Col.lá Propinde, que ye lo que tengo más reciente. Ta nidio que si nun fuere yo quien yos echara un gabitu a la hora de sacar esti tercer trabayu, diben alcontrar abellugu nalgún otru llugar, nun diben tener problemas, pero… sientolu como própiu. Lo mesmu me pasa con los otros discos. Cola Tarrancha llevaba pelenado 7 añinos pa que sacaren discu, y a la fin sáquenlo y … sáquenlo con Algamar… Y Sambre… Sambre son los mios collacios, y a mi prestame pola vida velos esfrutar enriba los escenarios. Éstes emociones vienen agora, nestos meses, de la mano de la música [sigo preguntándome cada día por qué me metí yo a esto (aunque selo)], pero nun dexo atrás l’audiovisual. Nun quiero dexar de contar hestories de realidades, hestories de lo cotidiano, hestorias de xente corriente que tien u...

Nel equipaxe de Alicia y Mar va siempre una bañera, unos zapatucos coxos y un gatu de Cheshire. Viaxen con la experiencia de cuatro discos a cuestes y acompáñense n’ésti, de la física de l’acurdión diatónicu de David Varela, d’una seición de vientos con saxu, trombón, trompeta y tamién clarinete (Andrés Biribay, Agustín Lara, Toño Gómez), de les cuerdes del contrabaxu de David Casillas, de l’ukelele rebelde, de los platos y tambores de la batería de Eva D.Toca, de la zanfona de Merce Santos, del vigulín d’Ana Fernández y del chelo de María García. Toos estos elementos ponen los acentos, les comes ya les respiraciones a una maleta, a un equipaxe sonoru, enllenu d’hestories poétiques de lo cotidianu. Dende 1999, Alicia y Mar vienen viaxando nesti sidecar que tien por nome “Pauline en la playa”, dexando atrás el ruidosu camín de les Undershakers (inda güei echamosles en falta), adentrándose nun pop sele, nun pop de boleros y tangos, nun pop de familia soul y jazz. Subterfuge abrio-yo...

[...] El tastu dulce de la to piel nun soi quién a topalu nes meyores recetes de la cocina moderno, y les vieyes recetes tan güerfanes del arume de les mañanes contigo.

[...] El sentimientu de refugu xorrez pel alma de mió al ella nun ser ella y él nun ser yo. [...]

[...]Nes nueches de tormenta, cuando apaecen los relámpagos nesi cielu qu’abandona los sos colores de siempre, pa sacar los azules más oscuros y los negros más claros, neses nueches de tormenta nes que la lluna cuélase pela ventanuca dibuxando solombres prietes nel suelu’l salón, neses nueches nes que marcha la lluz por mor de dalguna de les estrelles que vienen visitanos dende les altures en forma de rayos y centelles, neses nueches nes que lo que más presta ye prender la chimenea y ver escapar les llames, cola so lluz ente colorao y mariellu, a la gueta’l frío, neses, nes qu’ esnalen les notes perdíes dende’l tocadiscos vieyu de papá, neses nueches, María tien mieu. [...]

Va unos añinos, cuando Delfo me llamó pa graba-yos un vidioclip a La Col.lá Propinde, poco podia pensar yo que diba meteme n'asuntos de músicos, músiques y demás hestóries rellacionades con esto d'espublizar discos. Entamamos con Sambre,un apueste de rábia, a los quince díes aportó La Tarrancha, dempués de tar dando-yos la lata 7 añinos, y agora lleguen, col añu nuevu, estos neninos de Pola L.lena, a los que, encantáu, di abellugu nel mio llar. Otra vuelta’l vientu sele vuelve a ruxir y otra vegada los sones y les lletres de La Col.lá Propinde vuelven a inundar l’espaciu musical n’Asturies, esta vez por mor de la teyavana: unes lletres y unos sones allugaos a los cuatro vientos, como si d’ una nueche de branu se tratara, componiendo idées al rellumu de les estrelles filtráes nel llar baxu les ripies y les teyes del cumal. Dormir, suañar a teyavana, col cielu rasu ente les teyes.

De sópitu apaeció, y aprovechó pa cegame, pa nun dexame ver otra cosa que nun fuere la so lluz. [...]

Suaños ñublaos de presente cubiertos de mofu de tristura nuna nueche d’ acabación d’un impar tráxicu que ellos nun verán pasar. [...]

[...]Laura recorta, de les revistes de sociedá, muñeques de porcelana y silicona pa facer collages de realidades inventades. El golor de la barruca de pegamentu prit llena l’ambiente col so arume, mientres, Michelle desapaez del cuartu y aporta Eleanor Rigby.[...]

[...] El velenu dulce de les setes de Gemma nun tardó dos bocaos n’entrar en contautu col organismu, faciendonos morrer nuna esplosión de sabores tresformaos nuna mecedura de sensaciones que recorrien tol sistema sensitivu y gustativu, dende la neñina de los güeyos hasta l’estomadu, pasando pola llingua onde facíasenos imposible ocultar la conmoción placentera que nos tresmitia aquel platu fechu a pupilo. [...]

Y al añu 2010 pido-y que seya el de 2008 Y pa reis pido que seyan los de 2009

Y nun se por qué pero cada vegada que me dan un premiu, que nun son munches, al día siguiente dan-y otru al Roxu. Y a mi préstame pola vida. Parez que tamos compitiendo. Güei llamelu, na más ver en Les Noticies que ganara el Premiu Trabe de Narrativa… y él nun taba enteráu, nun lo habíen avisao. Así que, normal, llevó una alegría tremenda. “La Bufanda” ye una novela de hooligans, de emociones y sentimientos, de pasión, de llocura, de frío, de calor, de colores. Ye una novela que sal de La Matiella, que pasó per Ibias, per esti mesmu ordenador col que estoi escribiendo, y que a la fín va ser espublizada. Tengo ganes de garrala na mano, de vela impresa y de leela nun fomatu que nun seyan fueyes sueltes encuadernades con grapadora. Mientres, tendremos que ponenos en serio cola adaptación de “Ella y Ariel”.