Skancia

-¡ Cayome un diente! Ana corria pel pasillu col dientucu nuna mano y un llapiceru verde na otra. - ¿qué ye lo que pasa? - ¡ Cayome un diente! - ¿Cayote un diente? A ver… Ana sacó ún de les sos sorrises de oreya a oreya y enseño-y argullosa el furacu d’en medio’l dentame. Yera el segundu. A Ana, nes tardes de seronda, presta-y lo que más dibuxar mariposes de colores esnalando ente mirasoles. A Ana gusta-y el sol y les flores, los díes de primavera nos que viaxa a descubrir playes y acantilaos, dende los que ve la mar mientres preba les primeres zreces de temporada y siente cómo, eses mariposes de colores que llueu dibuxa, anden calteniendo l’equilibriu moviendo les ales de un llau a otru. Ana pasa les tardes de fueyes seques y marrones mirando pela ventanuca’l cuartu, naguando poles nueves flores y por que pasen les ñeves de xineru y febreru. Güei vienres, Ana ta nerviosa y quier dir a dormir prontín col diente baxo l’almuhada. Molesta-y un pocoñín por que anduvo escarbando y xugand...

Mientres navego pola propia solombra, empieza la promo del discu de Sambre y en menor midía el de La Tarrancha... ------------------- Prestome que prestara la mio poesia triste y los mios cuentinos de mentires...

D'un tiempu p'acá, prestame poder echa-y un gabitu a los mios collacios y poder ufierta-yos el sacar discos con Algamar . Les coses nel audiovisual tan medio apartades, a la espera d'un tiempu meyor. Mentantu, el discu de Sambre ya ta de camín a casa y el de La Tarrancha acaba de garrar camín de la fábrica. Pa xineru más novedaes... pero eso ye... pa xineru. (o pa navidá).

[...] Los sábados son díes de pelicules de vaqueros na tele, entemezclaes con los ronquidos de mio güelu. Examás viera a naide roncar d’esa manera, tal mente parez que va tragar tol cuartu entamando pol mandu la tele. A les cuatro, fartucu de nun escuchar lo que diz John Wayne a los de les plumes colloraes, entro na cocina y tan mio má y mio güela cortando los sándwiches a la mitá [...]

[...] [Argayando] tiré toballes [ pelos suelos moyaos en sal ], recoyiles empapaes en mofu [enantes de que tocaren suelu]. [...]

Gracies polos +1 por intentalo polos abrazos polos besos poles caricies polos guiños poles sorrises verdaderes poles medies sorrises poles mirades poles escursiones poles playes poles coses de la mar. Gracies pol delorian que nun soi a arrancar gracies polos vales d’amor infinitu que nun supe usar gracies pola cama gracies polos suaños gracies poles llárimes de sal gracies pola dulzura gracies pol arroz con setes gracies pol tiempu gracies polos segundos gracies por quereme gracies por dexate querer [ensin que llegares a velo] gracies por faceme crecer [a destiempu] gracies poles ilusiones gracies poles mantes y polos recuerdo Gracies pola confianza Polos ánimos Por ser Por, a pesar de too, tar ehi

Ya el fríu cálmase nel mesmu tiempu nel que l’agua dame’l so calor la tebieza espoxiga peles mios manes que llueu búsquente , caricien les tuyes afalagandose, refléxome nos tos güeyinos enllenos de sal ya bebo d’ellos, d’esa fuentina de gota a gota d’espera d’esperanza que nun alcanzo. Suenen cuatro filos cariciaos nel to costazu y búscote y alcuentrote colos güeyos cerraos pensándote. Acurrucome ente los tos brazos d’ente los qu’enxamas debiera salir. Suaño. Lloro. Aínda nun quiés que seya pa siempre. Entá quedame esperar.

[...] - Na más tienes que zarrar los güeyos, meter aire nos pulmones ya imaxinar qu’esnales penrima les roques, penriba’l pedreru onde enganchamos aquel pulpín cuando taba la mar quieta la otra selmana. ¿Tas goliendo l’ocle? Eso ye que la mar ta calma, pero que, a nun tardar, va llevantase’l nordés y eses oluques que agora nun son ná, van llegar equí. - Yo zarraba los güeyos, esnalaba penriba’l pedreru y mientres me despeinaba l’aire la mar, golía aquel ocle enllenu de salitre y humedá. [...]

Nesti intre de nueches de pesadiel y díes que nun entamen, na más me queda copiar, pegar y antroxar cachinos de poemes y cantares a la espera del rellume que me saque d’esta oscuridá. Pero si nengún día nun vuelve, que voi facer, si nengún día nun vuelve. Si la vida traidora me la roba yá pa siempre.

Y ofrezcote amás la mio vida, pa que la xuntes cola tuya y faigas un mecigayu del que salga una nueva, que seya la nuesa.

[...]Ana ta a la puerta la escuela esperándome toles mañanes dende Setiembre a Avientu. En cuantes me ve apaecer pente les portielles cuerre a buscame y estira’l brazu. Apurro-y la castaña más grande y guapa. Ella garrala ente esos guantes bancos qu'aveza llevar nos díes de frío y métela en bolsu.[...]

[...]taba namorada de les estrelles y la lluna, del cielu de la nueche, del rinchu de los grillos de peña, del silenciu del monte y del ruiu del vientu ente los castañales. [...]

[...]Los suaños, munches vegades, son tán prestosos que nun apetez espertar d’ellos, y si espiertes, xusto nel momento nel que, nel suañu, vas pa la cama, confundiraste. Pensarás que ye verdá lo que suañares, y que tú echastete na cama y acabes d’espertar.[...]

[...]Mio güela Matilde deprendiome que les llarimes que tienen tastu a sal lleven todes el nome de les persones que más queremos.[...]

Dempues de recibir esta tardi l'abrazu que inventara ente suaños la otra nueche, llegóme va una hora la segúnda mayor allegría del día (nun tien comparanza cola primera). Va unes selmanes espublizara equi dellos microrrelatos que mandara a un concursu qu'entamara la xente de la Asociación Xaréos! y la Revista Formientu, pues bien, resulta que prestoyos un d'ellos y creyeron que xunto col de Rubén Rey, merecía ganar esti primer certame del Premiu Formientu de Microrrellatu Mozu. Dexovos equi lo que dixo'l xuráu: ---------------------------------------- El I Certame de Microrrellatos Mozos «Formientu» yá tien fallu del Xuráu Xixón, 7 d’ochobre de 2009 L’asociación Xareos! y la revista Formientu, en collaboración cola editorial La Cruz de Grau, convocaron el I Certame de Microrrellatos Mozos «Formientu» “col envís d’afalar la creación lliteraria ente los escritores más mozos y ayudalos a esplorar les sos posibilidaes”. El xuráu de la primer edición del Premiu Formientu de ...

¿Ye posible sentir un abrazu nun suañu? Desperté por que sentí el tuyu, abrazábasme coles mesmes ganes que si fuere miu [...] Llevo 15 minutos inventando mentíres[...]

[...]Un paxarín parleru na cabeza ye bien fácil de reconocer, fálate y cántate y tú escucheslo perfeutamente y nun sabes si lo que sientes ye tuyo o ye d’él.[...]

El mio collaciu Nelón nun supo hasta esti día qué yera lo que-y pasaba. Notaba un vaciu nel estómadu, pinchacinos per dientro’l so cuerpu y ganes de nun tener ganes de ná. Nelón nun sabía que dende fai ya tres meses tenia viviendo dientru d’él un puercuspín. Entro-y pela boca, mientres tomaba un refrescu con tastu a naranxa nuna de les terrazuques veraniegues de la zona vieya de la ciudá. Él nun se dio cuenta, y ye que cuando t’entra un puercuspín d’esos naide nun lo nota. [...]

Cuando rompe a riscar l’alba Cuando llueve Cuando m’acurruco na cama Cuando nun se qué facer Cuando pienso Cuando nun veo’l futuru Pasando hores perdides ya pa siempre delantre la pantalla l’ordenador Ensin mirar Ensin saber Esperando que fine’l tiempu Esperando que acabe pa entamar de nuevu Sin futuru Pensando en ti En cómo sería si tuvieres equi Echote en falta

Valtó’l so corazón na más piesllar los güeyos y vela con otru.Abriolos y morrió.