Entradas

Mostrando entradas de diciembre, 2009

Ma Belle

Imagen
[...]Laura recorta, de les revistes de sociedá, muñeques de porcelana y silicona pa facer collages de realidades inventades. El golor de la barruca de pegamentu prit llena l’ambiente col so arume, mientres, Michelle desapaez del cuartu y aporta Eleanor Rigby.[...]

Les setes de Gemma

Imagen
[...] El velenu dulce de les setes de Gemma nun tardó dos bocaos n’entrar en contautu col organismu, faciendonos morrer nuna esplosión de sabores tresformaos nuna mecedura de sensaciones que recorrien tol sistema sensitivu y gustativu, dende la neñina de los güeyos hasta l’estomadu, pasando pola llingua onde facíasenos imposible ocultar la conmoción placentera que nos tresmitia aquel platu fechu a pupilo. [...]

y al 2010...

Y al añu 2010 pido-y que seya el de 2008 Y pa reis pido que seyan los de 2009

Bufandes

Imagen
Y nun se por qué pero cada vegada que me dan un premiu, que nun son munches, al día siguiente dan-y otru al Roxu. Y a mi préstame pola vida. Parez que tamos compitiendo. Güei llamelu, na más ver en Les Noticies que ganara el Premiu Trabe de Narrativa… y él nun taba enteráu, nun lo habíen avisao. Así que, normal, llevó una alegría tremenda. “La Bufanda” ye una novela de hooligans, de emociones y sentimientos, de pasión, de llocura, de frío, de calor, de colores. Ye una novela que sal de La Matiella, que pasó per Ibias, per esti mesmu ordenador col que estoi escribiendo, y que a la fín va ser espublizada. Tengo ganes de garrala na mano, de vela impresa y de leela nun fomatu que nun seyan fueyes sueltes encuadernades con grapadora. Mientres, tendremos que ponenos en serio cola adaptación de “Ella y Ariel”.

Abrumau

Imagen
A les doce y media llamame Arantxa, la moza’l serviciu de normalización de la Mancomunidá de El Cabu Peñes, pa decime que-yos prestara enforma la reelaboración de Bisarmes, y a mi prestame más ver que entá presten dalgunes de les coses que invento. Bisarmes algama el premiu al meyor curtiu nel III Certame de Curtiumetraxes de la Mancomunidá de El Cabo Peñes. A los diez minutos llámenme de otra mancomunidá, la de la sidra, pa ver si tengo ganes de poner los mios trabayos n’asturianu y facer un alcuentru charra-alderique col públicu, y eso yá abrúmame. Nun me paéz que la mio obra audiovisual mereza una retrospectiva, pero prestame. Prestame muncho y súbeme la moral una migayina. Y yo que lo daba too por perdído nesti mundiu de cámares… yá podía ser así n’otres estayes...

Sin desvios

Imagen
[...] Autopista recta sin desvíos al sofá ni al calor del agua {} ni al calor de los tos abrazos ni al salitre de les nueses llarimes de rábia y tristura por una hestoria a la que poner una acabación absurda. [...]

Hores en segundos

Imagen
Fuxíamos de la realidá [...] vivíamos nun mundiu de muñecos de papel pegaos a los vasos, de chocolate caliente[...] Ñarices de payasu, pelotes de goma y pipes nos suelos.[...] hores en segundos díes en minutos. Fuxímos del nuesu[...]

L' arume frío

Imagen
Entamen los díes arreciendo arume a fríu del nordés a ñeve perdura, y empara abellugame d’ella nel calor ayenu, pierdo’l color mientres vacíes l’ermu d’esperances y el vivir ye xugar entre mentires que arreblaguen nos suaños de la tarde colos güeyos nos tuyos lloñe de sorrises d’esnalar ente caricies y llabios sinceros.

A teyavana

Imagen
Va selmanes que lluchaba por salir de la teyavana propia y va díes qu'entré n’ella con consciencia. A Teyavana será naranxa mandarina dientru d’un amanecer roxu y con borrina. Mientres, Arxentina y la hestoria parez que quieren arrimase y devolveme a lo que ya olvidara va tiempo. N’Arxentina búsquenme pa collaborar y coproducir documentales de raigañu y sentir, d’esos que dexen cuntar hestories propies de vides ayenes. Apetezme fuxir de les mios realidaes d’anguañu.

Paul Naschy