Entradas

Mostrando entradas de agosto, 2009

Quien fuere capaz

Quién fuere capaz de manexar el tiempu, de buscate d’ olvidate de borrate Quién fuere capaz de nun s’equivocar Quién fuere, feríu, capaz de curase contigo

Trepando

Esguilando pelos árboles p’apalpiar el cielu y el cielu parez tar a cada vuelta más lloñe Y sigo estirandome

Asoleyando discos

Imagen
Un de los nuevos retos, na estaya profesional de la mio vida, ye'l de da-y forma a la música a travies de la espublicación de dos discos. Non, nun ye que me ponga a glayar ensin ritmu. Tratense de los discos de Sambre y La Tarrancha . Va unos añinos alcuerdome de mete-y priesa a Delfo (Tarrancha) pa que espublizaran. Yeren los tiempos nos que Skama entamaben, y ya pegaben duru, pero La Tarrancha adelantabalos nos direutos con un soniu más cerrau y llimpiu. Sambre ye, al mio entender, el discu que faltaba dientro del punk rock folk n'Asturies. Ye verdá que toi cegau y veolos con güeyos d'amor, pero creo que ye un apueste perbono. Sacaremoslos pal mes d' Ochobre o Payares... veremos...

Caleyando

Güei tuve pasiando contigo Pero ensin ti Contigo na memoria Pero ensin ti a la vera Falé contigo Y Riímonos abrazámonos Nun tabes

La nueche que conocí a Vicente Díaz fue'l día que conocí a Darío

Imagen
Darío tién un mes y ye’l fui Patricia, la nieta Rodrigo. Patricia y yo ficimonos grandes al mesmu tiempu. Nun podía ser menos nun pueblin onde yeramos namai seis neños nos díes d’abundancia. Lo normal yera que tuvieramos Patricia y yo, xuntiquinos peles caleyes estraes de piedres , matos y llagarteses. Bicicletes, caballos, chapes, carreres, balones y pales. Echabemos una buena montonera d’hores nel patiu la casa’l güelu xugando coles pales… y na corte viendo medrar los xatos, o echando de comer a los conexos. A Patricia siempre-y prestaron enforma los caballos, tenía una yegua perprestosa qu’atendia al nomatu de Lluna. A mi dabenme un poco mieu, pol altor. Mentantu ella diba montada enriba la Lluna yo quedabame en tierra, siguiéndola montau nuna bicicleta colorada y sillín negru. La Lluna yera blanca, con dalguna pinta nel so llombu. La mio bicicleta enxamas tuvu un nomatu tan guapu. Darío durmi nel carru, nun espierta col ruiu los volaores. Darío paecese a la so má. La güela de Da

Robín d'estrelles

Llora la nueche ente güeyos de llume Y en cada llarima la to sorrisa cruciando l’horizonte dexando’l rastru Desvaneciéndose Sigo mirando Buscándote Pa si dalguna vegada tornes Atrapáte con un truel de filo sincero d’amor

Requexu

Encerrau , lloñe. Naguando por volver. Va menos d'una selmanaa comentara-y a Laura que nun diba volver escribir nada nel blog ensin antes dexalo madurar al menos unos dies. Les circunstancies y les situaciones cambien tán rápido.... Ayeri, na más llegar al mio encierru, llegome un mensaxe que me dexó xelau. El mesmu friu que sintiera ya dos veces esti añu recorriome'l cuerpu dende la tiesta hasta los pies. El mesmu escalofrío que sintiera va unos años n'otru llugar. Y pensando nel friu, ando a la gueta d'un requexu escrontra la calor.

Agostu

La pelota que me regalara daba siempre tres botes enantes de pegase al suelu ensin volver a movese. Yera un asuntu raru. Examás viera cosa igual. Nun fallaba, siempre lo mesmo. 1 bote, 2 botes, 3… Y la pelota quieta. Va unos díes que la pelota nun bota. Llancela con toles mios fuerces escontra’l suelu y quedó muerta. Llancela suavin y nun se movió. La pelota traxera consigo un bonu, pa poder descambialu, por si dalgún día la pelota dexaba de ser máxica, pero nun se bien si aún puedo dir a reclamalu, aunque nun caduque.