Entradas

Mostrando entradas de noviembre, 2009

Cayome un diente

Imagen
-¡ Cayome un diente!

Ana corria pel pasillu col dientucu nuna mano y un llapiceru verde na otra.

- ¿qué ye lo que pasa?

- ¡ Cayome un diente!

- ¿Cayote un diente? A ver…

Ana sacó ún de les sos sorrises de oreya a oreya y enseño-y argullosa el furacu d’en medio’l dentame. Yera el segundu.

A Ana, nes tardes de seronda, presta-y lo que más dibuxar mariposes de colores esnalando ente mirasoles. A Ana gusta-y el sol y les flores, los díes de primavera nos que viaxa a descubrir playes y acantilaos, dende los que ve la mar mientres preba les primeres zreces de temporada y siente cómo, eses mariposes de colores que llueu dibuxa, anden calteniendo l’equilibriu moviendo les ales de un llau a otru.

Ana pasa les tardes de fueyes seques y marrones mirando pela ventanuca’l cuartu, naguando poles nueves flores y por que pasen les ñeves de xineru y febreru.

Güei vienres, Ana ta nerviosa y quier dir a dormir prontín col diente baxo l’almuhada. Molesta-y un pocoñín por que anduvo escarbando y xugando col l…

Na solombra

Imagen
Mientres navego pola propia solombra, empieza la promo del discu de Sambre y en menor midía el de La Tarrancha...

-------------------
Prestome que prestara la mio poesia triste y los mios cuentinos de mentires...

Ente discos

Imagen
D'un tiempu p'acá, prestame poder echa-y un gabitu a los mios collacios y poder ufierta-yos el sacar discos con Algamar. Les coses nel audiovisual tan medio apartades, a la espera d'un tiempu meyor. Mentantu, el discu de Sambre ya ta de camín a casa y el de La Tarrancha acaba de garrar camín de la fábrica.

Pa xineru más novedaes... pero eso ye... pa xineru. (o pa navidá).

Cumple de sábadu

Imagen
[...] Los sábados son díes de pelicules de vaqueros na tele, entemezclaes con los ronquidos de mio güelu. Examás viera a naide roncar d’esa manera, tal mente parez que va tragar tol cuartu entamando pol mandu la tele.

A les cuatro, fartucu de nun escuchar lo que diz John Wayne a los de les plumes colloraes, entro na cocina y tan mio má y mio güela cortando los sándwiches a la mitá [...]

Mostiu

Imagen
[...]
[Argayando] tiré toballes
[ pelos suelos moyaos en sal ],
recoyiles empapaes en mofu
[enantes de que tocaren suelu].
[...]


31 años y muertu d’amor

Imagen
Gracies
polos +1
por intentalo
polos abrazos
polos besos
poles caricies
polos guiños
poles sorrises verdaderes
poles medies sorrises
poles mirades
poles escursiones
poles playes
poles coses de la mar.

Gracies pol delorian
que nun soi a arrancar
gracies polos vales d’amor infinitu
que nun supe usar
gracies pola cama
gracies polos suaños
gracies poles llárimes de sal
gracies pola dulzura
gracies pol arroz con setes
gracies pol tiempu
gracies polos segundos
gracies por quereme
gracies por dexate querer
[ensin que llegares a velo]
gracies por faceme crecer
[a destiempu]
gracies poles ilusiones
gracies poles mantes
y polos recuerdo

Gracies pola confianza
Polos ánimos

Por ser

Por, a pesar de too, tar ehi