Skancia

Los Fayeos de mayo ye un paséu al atapecer, un viaxe nel tiempu y nel espaciu. Ye la biforcación ente cuerpu y alma, ente’l vivir sin ser sensatos col presente, y siguir viviendo nel abellugu de los díes eternos onde too tien sentíu. Queda la esperanza del movimientu cíclicu: "Llevóme la vida entera regresar a la to vera". *Pal Anuariu de la Música Asturiana 2018.

Y mientre, tuvimos contando hestories de cine

Acabó la 51 edición del Festival de Cine de Xixón y nun fui quién a pisalu más que pal Día d'Asturies y esta nueche pa poder ver la ganadora, "Ida", de Pawel Pawlikowski. Nesti tiempu, rodaxe de "ea la mio neña, ea", edición y atascu , al nun saber baxar el metraxe sin perder consistencia narrativa. Mañana va estrenase nel Prendes y yo nun puedo dir. Ye una sensación rara. Ye abandonalu a la so suerte. La verdá ye que nun lo considero tan miu. Ye un encargu y el textu foi dau, sicasí, la puesta n'escena y la dirección son netamente personales. Nestos díes, al llegar a casa, sumorguio les manes nel agua caliente del grifu. La bufanda que texó mio güela pal mio cumpleaños abrigame muncho per fuera. Prestame l'agua caliente los díes de xelu. Zarro los güeyos.

Pa dir faciendo boca, mientres llega J, mayu trae consigo la Selmana de les Lletres, con munches coses guapes amás de la mani,  les primeres tardes de pipes y sidra, los conciertos al rodiu del primeru de mayu... Y d'equí a una semana vuelvo a Lisboa. Dícenme que yá nun ye la mesma que dexé. [¿Pero quién quiere ser feliz, pudiendo ser frustración o miseria compartida?]

L'otru día fuimos Pablo de María y yo a que nos ficieren  una entrevista al plató más friu del mundo. Pa mí que nun llegaríemos a los 5ºC ellí... creo que nótasenos na voz... Esto ye'l auténticu Ts-screener d'esa entrevistuca. (Ye que dixéronnos que tardaríen unos meses en poder danos una copia y nun me quedaben cintes vacíes de Vhs)

El xueves voi dir a Corvera a enseñar una migayina d'eses coses que robé y que plasmé na retina de dalguien. Préstame echar vista atras y ver el futuru más cerca. Préstame tar robando-yos el tiempu a xente tan bueno. Préstame tar preparando algo tan guapo.

Últimamente parez que pido munches coses, parez que quiero que pasen mil coses y que vuelva a parase’l tiempo pa poder faceles y teneles. Hoi, otra vuelta, ye 3 d’abril, y la fecha ta marcada a fueu nel calendariu. Agora diome por facer una peli. Y ye de verdá. Como tolo qu'asocede un 3 d’abril.

Dempués de delles tomes de contautu, alderiques ya momentos de poner y ceder toos un pocoñín, esti ye'l testu acordáu por un garapiellu de cineastes asturianos en relación al futuru del Festival Internacional de Cine de Xixón: "Carta abierta a Emilio Marcos Vallaure y Carlos Rubiera Envaloraos Srs. Conseyeru de Cultura y Deporte del Principáu d'Asturies y Conceyal de Cultura del Conceyu de Xixón: Los embaxo firmantes, venceyaos a la escritura y la dirección cinematográfica n'Asturies dende va años, queremos volver manifesta-y la nuesa oposición a la destitución del direutor del Festival Internacional de Cine de Xixón, José Luis Cienfuegos, y la consiguiente rotura col modelu actual del certame. Sofitamos la nuesa opinión nuna serie de fechos oxetivos y, entendemos, difícilmente discutibles: 1.- José Luis Cienfuegos llegó a la dirección d'un certame ensin vida, morrebundu. El Festival yera, entós, una amuesa de cine que nun tenía nengún pesu específicu nin na vi...

Les llimitaciones cognitives y socio-afectives tán patentes y presentes nun puñao de xente a la que-y tocó gobernar un país que, cansao de la rutina, echó una moneda a l’aire [ y salió cruz]. Estes mesmes llimitaciones cognitives y socio-afectives tán tamién presentes naquellos personaxes a los que los primeros apuntaron pa, dende los puestos de responsabilidá, poner nuevu rumbo al presente y futuru cultural de los sos conciudadanos. Por mor de les distancies ente llendes del propiu País, ye bien fácil conocer, si tas dientro’l mundu audiovisual, a cuasi tolos y toles que se dediquen a esto de la cinematografía en dalguna de les sos vertientes. Poro, ye fácil conocer a cualesquiera que vayan a poner al mandu d’un timón decapitáu en hores. Les llimitaciones cognitives y socio-afectives patentes nesi puñao de xente a la que-y tocó gobernar el País, lleguen a tal puntu que nun son quien a mirar pa los artífices de les resistencies culturales nos estremaos conceyos del País (les respon...

Nel telediariu de la TPA falaron de nós. http://www.rtpa.es/sociedad:Algamar-Producciones-propone-que-los-musicos-controlen-totalmente-el-producto-de-su-trabajo_111322913728.html

Siempre ye lo mesmo. Siempre m'entren ganes de poneme a rodar... a poneme a acabar d'escribir eses coses que tengo tiraes per dalguna carpeta perdida dientro d'ún discu duru localizau. Y dempués de ver dalgunes coses de les del festival d'esti añu... entrenme más ganes. Sicasí, tengo nidio que nun quiero volver a facer dengún proyeutu a les carreres, nin quiero intentar facer nada d'Azcona. Ye'l momentu d'ir sele...

Y vaya cómo presten estes coses

Y n’esto qu’esti vienres mándenme dir a firmar un contratu pa dar clases d’asturianu. Y n’esto qu’el llunes entamo a andar peles escuelines del conceyu de Tineu, les que tan nel CRA Eugenia Astur. Y n’esto que siento una emoción que llena los mios güeyos de rabia. Y n’esto que siento un pequeño alloríu, y miueu, muncho mieu y respetu. Y n’esto que llegara’l llunes. Y blinco.

Va tiempu que nun taba nun rodaxe con más xente. Les últimes coses automatizábales faciendoles yo solu, cámara en mano, ordenador en mesa y tira que llibres… Nun ye que nun me preste andar per ehí grabando cosuques yo solu, pero ye diferente, los rodaxes n’equipu presten más. Tuve esta selmana, dempués de percorrer Vigo, a cuentos de Pablo Texón, y Santiago a cuentos mios y de la música de The Specials, nel rodaxe de “Humo”. “Humo” ye un curtiu nel que me dexé engañar pa facer de “guah.e pa too”, dende llevar un Niva de Xixón a Rueda (los asientos del Niva nun trespiren), a llevar una furgo de Rueda a Xixón, a colocar lluces, a facer de segundu operador… y con un equipín piquiñucu, sicasí mui grande. Ya nun sabía qué yera eso de andar dende les 9 la mañana hasta les 7 de l’alborada del día siguiente colos trastos d’un llau pa otru… , ya nun m’alcordaba de lo que yeren 4 díes d’empatizar con actores que nun pueden andar pela cai sin que los pare la xente (Cesáreo Estébanez, Rosa María ...

19.31h ¿Val la prueba? – Sergio da l'Ok dende la mesa soníu – Gracies, tol mundu fuera del escenariu, vamos abrir puertes . Va diez minutos la cola pa entrar al Auditoriu d’Uviéu entamaba a dar vuelta pela esquina y llegaba a la ilesia. Los encargaos de la entrada llevaben tres o cuatro hores alloriaos de tantu traxín que traiemos. -¿Van toos pa lo de Xentiquina?- Una pareya, al fondo llevanten el brazu, ablucaos…. – Non, nós vamos a… - nun-yos da tiempu a acabar la frase – Val, pues tienen qu’entrar pela otra puerta… 19.40h La sala grande del auditoriu entama llenase enforma. De camín a la cabina proyecición atópome con mio má que me para pa cuntame nun se qué coses de que si hai muncha xente y de que si merendé, de que si… y yo con prises y con calor. Y l’ascensor que tarda… 20.05h Y como siempres, les autoridades lleguen tarde… y too entama tarde y yá tamos fuera de tiempu enantes de presentar a Aida Castañón y a Naciu Varillas. Entamamos con un pelín d’estrés colectivu ...

Marchó Xentiquina, marchó Seliquín. Esti xueves, más de mil persones tuvimos homenaxeandolos nel Auditriu d'Uviéu. Hasta la cabina d’arriba, llegaron les llárimes emocionaes d’un Nacho Fonseca que merez eso y muncho más. Pola mio parte, muncho qu’agradecer a Jose Luis Remis, que punxo tola pasión pa que saliere p’alantre, y con coherencia, esti actu que va quedar nes retines de la memoria de tolos que lo esfrutamos. Y a la familia Fonseca, cómo non, les gracies eternes por dexame entrar nes sos hestories de vida. Xentiquina y Seliquín, Seliquín y Xentiquina queden agora nel recuerdu, y los testimonios de los que vieron como medraben queden nel documental qu’asoleyo xunto colos discos homenaxes. Seliquín- Xentiquina. Una ferramienta pedagóxica al serviciu de la escuela n’Asturies. Esti sí que tamién merez la pena.

Mientres, espero. Afuracando pente les hores, buscando dalgún resquiciu per onde fuxir y esfrutar d’una tranquilidá antroxada d’escaezu que nun conocía. En malpenes diez díes tornarán los momentos de les pruebes de los años impares. Naguo por qu’esta vegada nun resulte feríu de muerte.