Entradas

Mostrando entradas de noviembre, 2013

Coses de cine

Imagen
Acabó la 51 edición del Festival de Cine de Xixón y nun fui quién a pisalu más que pal Día d'Asturies y esta nueche pa poder ver la ganadora, "Ida", de Pawel Pawlikowski. Nesti tiempu, rodaxe de "ea la mio neña, ea", edición y atascu , al nun saber baxar el metraxe sin perder consistencia narrativa. Mañana va estrenase nel Prendes y yo nun puedo dir. Ye una sensación rara. Ye abandonalu a la so suerte. La verdá ye que nun lo considero tan miu. Ye un encargu y el textu foi dau, sicasí, la puesta n'escena y la dirección son netamente personales. Nestos díes, al llegar a casa, sumorguio les manes nel agua caliente del grifu. La bufanda que texó mio güela pal mio cumpleaños abrigame muncho per fuera. Prestame l'agua caliente los díes de xelu. Zarro los güeyos.