Skancia

Los Fayeos de mayo ye un paséu al atapecer, un viaxe nel tiempu y nel espaciu. Ye la biforcación ente cuerpu y alma, ente’l vivir sin ser sensatos col presente, y siguir viviendo nel abellugu de los díes eternos onde too tien sentíu. Queda la esperanza del movimientu cíclicu: "Llevóme la vida entera regresar a la to vera". *Pal Anuariu de la Música Asturiana 2018.

http://skancia.tumblr.com/post/141863622043/sec7-bloqueáu-int-nueche

Tamos acabantes d'aportar al futuru, y nada ye lo qu'esperabemos.

Foi un güelpe estelar. A primera vista. Otra vegada más. Quedó inmóvil, paráu, colos güeyos bien abiertos, ensin mover nin pizca los llabios. Incapaz d’articular una sola pallabra ente aquel escesu de lluz. Salió per un momentu de les fondures de la vida. Estelábalu. Estelábalu como naide nunca enxamás fuera quién a cegalu d’aquella manera. Siguía plasmáu minutos después d’emborrina-y la vista col so aliendu. Un güelpe estelar, en metá de los repulgos. Un güelpe a la decadencia, d'esos que-y gustaben dacuando.

  Enxamas la cruzamos , quedamos siempre na faza del cantil. Dende ehí, cola lluz de la lluna   faciendo solombres nes nueses paredes   de deséu, allumaben los güeyos d’ella pa colos mios y los mios pa colos d'ella   [...]  

  Sentose nel primer bancu del andén númberu 3.   El tren esperaba coles puertes abiertes. Al cabu d'un tiempu, escuchóse'l   pitíu de salida, zarráronse les puertes y el tren abandonó la estación. Foi xustu nesi momentu cuando se llevantó del bancu, y ensin quitar la vista del tren, averose al ventanu a pidir un billete pal viaxe.    

Pa dir faciendo boca, mientres llega J, mayu trae consigo la Selmana de les Lletres, con munches coses guapes amás de la mani,  les primeres tardes de pipes y sidra, los conciertos al rodiu del primeru de mayu... Y d'equí a una semana vuelvo a Lisboa. Dícenme que yá nun ye la mesma que dexé. [¿Pero quién quiere ser feliz, pudiendo ser frustración o miseria compartida?]

Pela tarde decatose de que yá nun-y quedaba naide a quien cuntar les coses de tolos díes. El panaderu pasó, como tolos díes, demasiao rápido. Malpenes tuvo tiempu pa comenta-y que yá nun quería más periódicos esa selmana. Les berces de la güerta espoxigaben ensin control, echando embaxo los palos de los tomates que dexara de la otra temporada. Miró pa la casa vacía. Les persianes a mediu baxar, la portiella pesllada, la terrazuca enllena de nada. Xiró, miró pa la otra casa, pa la suya. Namás taba él nel mediu del ermu vacíu que, pasín ente pasu, crecía y diba comiendo tolo que conociera. Cansó. Cansó d’esperar. De nueche abrió la camisa, empapó’l piyama con llárimes de sal y garró’l primer tren. Nun tuvo tiempu a despidise de mí.

-Hoi yes vieyu- espeto-y la neña al ratu de sentase a la vera d’él. Agachó la cabeza y desordenó les fiches d’enriba la mesuca. Él nun supo qué dicir. Quedó mirando pal pelo onduláo que baxaba hasta’l mandil de cuadros azules de la neña. Al cabu entrugo-y -¿Cómo ye eso de que hoi soi vieyu? La neña mirolu a los güeyos. Los d’ella rezumaben d’esi brillu qu’él, yera consciente que perdiere va meses -Tienes oyos de vieyu Él zarró los güeyos, apretolos pa dientro cola mano. Pente la oscuridá apaecieron puntinos blancos, estrelles, galaxies y ella.

Siguió avanzando pel camín y volvió vela. Siguía nel mesmu sitiu, si acasu un pasu más p’alantre. Mirola, intentó sonrir ante los sos güeyos y dio otru pasu. Dexola atrás y aceleró. Morría de ganes de volver a atopala nel so camín circular.

- L’otru día que fui cola muyer a dar una vuelta taba Yekini vendiendo relós y carteres pel centru d’Uviéu - ¿Yekini? ¿Cómo va ser Yekini? Sería otru… - Non, yera Yekini, que se dedica a eso, ¿Nun sabes? - Pero… - Yo quedé fríu, y dixe-y a la paisana: "Mira Yekini a lo que se dedica" - ¿Pero Yekini? - ¡ SÍ H.ODER, YEKINI! [Alderiques post partiu na llínia Molinón – Pumarín, Avientu 2010]

[...] - Tienes que colar, esti sitiu se te quedó pequeñu - Yá, daqué tengo que faer, pero.. - Non, nun te puedes quedar equí - Nun quiero colar - Marcha, pero avísame cuando te vaigas dir [...]

Siempre ye lo mesmo. Siempre m'entren ganes de poneme a rodar... a poneme a acabar d'escribir eses coses que tengo tiraes per dalguna carpeta perdida dientro d'ún discu duru localizau. Y dempués de ver dalgunes coses de les del festival d'esti añu... entrenme más ganes. Sicasí, tengo nidio que nun quiero volver a facer dengún proyeutu a les carreres, nin quiero intentar facer nada d'Azcona. Ye'l momentu d'ir sele...

El fríu ,nun camín ensin pauses, espoxigó espardiéndose pasín ente pasu, carcomiendo tolos muérganos sensoriales qu’atopába al so pasu. Asina, fueron desapaeciendo tolos rastros de vida, toles pequeñes muestres de recuerdos, tolos sentimientos acumulaos dende que conociera. D’esti cáncanu namás sobrevivió’l sentimiento d’ausencia que n’esta dexeneración del ser, venía acompañau d’úna sensación de conxelación que-y percorría tol espinazu. […]

Esi día de sol, dempués d’un bañu fugaz saltando y garrando les foles masificaes de Xibares, xubí a El Cabu Peñes col envís de ver uno de los atapeceres más guapos y espresivos que conociere. Los díes de branu ye lo que tienen, xente. Y nun diba ser menos aquel sitiu. Lo mesmo que nes playes de la fastera, equí apilábense los coches a la oriella la carreteruca que va dende Viodo al chigre qua ta plantau a los mesmos pies de Peñes. Xente pasiando, pareyes, families, d’equí, d’alló, d’acuyá… Un neñu berrando al altu la lleva porque se-y escapara de les manes el globu de Bob Esponxa que, pa mi idega, diba volver al fondu de la mar con Calamardo. Garré la botella d’agua rellenada que tinía nel suelu’l coche, merqué un paquete pipes nel chigrón y fui andando un cachín más p’allá, acercándome al sol y dexando un pocoñín más lloñe a tola xente… Atopé un sitiu afayaizu, senteme enriba la toballa y esperé. Yeren les ocho y media la tarde d’un domingu de finales d’agostu. Y n’esto, en llugar...

Nel mes de mayu de 2008, abrimos el flog “Cosesdelamar”. Cosesdelamar yera un paseu pola vida, un paseu pelos sablones y los díes d’aire puru, una manera bien guapa de dexar muezques de los díes en positivu, y una manera de descubrir toles coses que pudieren ser base d’un cuentín con final feliz. Güei, pasiando pel sablón de la playa de Xagó, guetando dalgo d’esi aire eternu, atopeme colos recuerdos d’ún diecisesi de mayu del añu 2008 . Esi día, n’esa dómina, retratamos una muñecuca de güeyos azules y espresión asustadiza. Non, agora que lo miro nun ye la mesma, pero n’esi intre, el mio corazón bombió sangre de zucre pente los restos del naufraxu

El Rifa llámase en verdá Xulio García Zapico, y ye de Tiñana. Ye un paisanín non mui altu, un poco grandón de tripa, con un pelo canoso que dexa entrever, na metá de la tiesta, el pelleyu propiu del pasu de los años. Enriba la boca un bigotín cuidau, blancu como él solu, que talmente paez que brilla. Gánase la vida yendo de pueblu en pueblu nos díes de romería, tocando unes piezuques de repertóriu caribeñu al són del so curdión de marfil. Amás el nomatu de El Rifa nun vién solu. Ye l’encargáu d’animar les rifes de les papeletes del xamón o del paxu de navidá. El día la Virxen tolos pueblinos de la cortorna mátense por tenelu pa la puya’l rámu. El Rifa ye un profesional del ilusionismu numbéricu. Nun hai nesti mundiu naide capaz de vender tántes rifes y d’ amañar tantos concursos como él. Los de les comisiones de fiestes sábenlo, saben que fae trampes, porque nun ye normal ganar güei un llacón en Caborana y mañana dir a Cualloto y marchar col quesu, dempués de que-y toca...

Los bardiales crecen y tapen les muezques que dexáramos a la vera la mar. Revolviendo pente los escayos y los felechos entá s’acolubren lletres que’l salitre y los díes nun fueron quien a borrar.

Y n'esto, zarró’l cuentu y él quedó atrapau dientro, nuna última viñeta en blanco

Llegamos nún de los masificaos tresportes qu'acondicionaren pa mover a los visitantes. Baxamos ente emburriones. Dos muyeres mayores, al tratar deblincar dende la plataforma, tuvieron a un tris de ser triaes pola menada. Zarraos ente les muries metáliques avanzamos enfusándonos na balasma de xente que s'atracaba bloquiando la entrada y salida. Les primeres casetes, les úniques que podríen ser d’interés naquel llugar, acabáronse primero que pudiera moveme al llateral onde s'atopaben. La masa enfervorecida namás me dexa dir nuna dirección. Empezó, nesi intre, l'ataque atronador de ruios entemecíos de los altavoces semaos a lo llargo d’aquel espaciu llendáu por zarros. Sabía qu'a partir d'esi precisu momentu, nun nos diben abandonar en tol tiempu que nos tuvieren ellí. El túnel que lleva a ca ún de los submundos vuélvese escuru de contino, y los vapores pueden apaecer dende cualesquier ínfimu microespaciu. La pestilencia apodérase del ambiente, y a midida qu’ avan...