Skancia

Una vez quixi escribite un cuentu y quedeme nun poema murniu Una vez quixi escribime un poema y nun llegué al final [del primer versu] Una vez quixi quererte tanto que quedé con ello Una vez escribite un cuentu [...]

Si tuvieres que quedate con una imaxen de nueso ¿cuál sería? Cualesquiera Cualesquiera nun val Los tos güeyos ¿Los mios güeyos cuando? Los tos güeyos siempre Los mios güeyos siempre nun val Los tos güeyos enantes de que me des un besu

¿Onde dexasti la sorrisa? ¿por qué andes murniu? Faltame la lluna dende va un tiempu Voi pintátela nel cielu pa que nun te falte

Nun tengo conciencia de la última vez que sientiera eses sensaciones de nervios que faen ñacer les formigues que percorren per dientro les piernes, llegando a lo cabero de los deos de la mano, y faciendo que la llingua quede quieta tremando les pallabres que nun son quien a salir. Y namás queda llibre d’elles la mirada. Y la mirada d’ella nun cambiara, sicasí apártala pa nun cruzase davezu cola que nun soi a quita-y d’encima. Y falamos del tiempu y de les vaques, y de les estrelles, de semeyes de nueche y de cruasanes, y mientres, los güeyos, sin atender a les otres pallabres, falen de lo suyo, de mirar y nun querer nun mirar más. Les manes falen de caricies seles. Y los llabios dicen coses, pa nun se postrar desnudos ente los del otru. Escríbeme daqué. Quédate. Y acabamos falando de Jim Morrison, aunque lo nueso siempre fue’l Roads de Portishead.

Cada vez cuesta más [tener y] facer coses que presten... L'aire del sur from Pablo A. Quiroga Prendes on Vimeo .

Baxó la vista, garró’l guxan de lluz ente les sos manines y siguieron charrando, ayenos a la decadencia que los arrodiaba