Entradas

Mostrando entradas de julio, 2009

-mientres-

Mientres entamo a pensar nel rodaxe del videoclip de Sambre, paso 5 segundos editando el direutu de Skontra nel DerrameRock.

Pa esta selmana toca ponese les piles colos documentales. Esperando como siempre poles subvenciones... aunque cada vez importen menos.


Win preguntome el sábadu por Bisarmes. Tengolo apartao, esperando el momentu propiciu.

cinco hores y media

Imagen
Güei suañe contigo y coles tos manes. También taba la to sonrisa y aquella mirada dulce que conociera va tiempu. Güei desperté cinco hores y media tarde.

Con mieu

Y ponese a escribir pa recordar el pasau. Y el pasau ye presente. Y solucionar los problemes y acabar colos atascos. Y desentrollar les duldes y los rancores. Con mieu.

Mentantu

Imagen
Otres veces, atópeste con que ya finó’l día, y el destín faite pasar de fueya, faite esperar. Ye una espera que normalmente acaba con tolo que n’esi momentu rispies, con to aquello colo que suañes, pero el suañu, nun solo el propiu, tamien l’ayenu, fae que seya imposible de realizar.
Mentantu, escuches música, llees, aliendes, sientes lo tienes al rodiu.
Mañana tarán equi, de nuevu, igual que agora, pero yo nun seré el mesmu.

Pequeñes deceiciones 04 Alcuentru

Imagen
Dempues de reencontrame con ella na seición culinaria de la llibreria fuimos a tomar un refrescu de naranxa. Nun la viere dende va casi cinco años y teniemos munches coses de les que falar. Cunte-y que agora yo dedicabame, a la fín, a escribir cuentinos, y pidimome unu

- Prestabame que m’escribas un relatu enllenu de suspense, d’aición, de sexu, d’amor, de felicidá, d’ abrazos, de besos, de mirades, d’alcordanza, de verde y azul, ensin mentires, con sonrises.....

- Yo prefiriria vivilu

- Vivímoslo, aunque nun llegare a perdurar

Va cinco años y tres meses que nun tengo noticies d'ella. Soñelo.

Quini, dame una entrada pal nietín

Tolos domingos que me ve dir al campu cola camiseta y la bufanda, cuentame lo mesmo, el día que algamó una entrada pal homenaxe a Quini.

Na Feria Muestres de Xixón, la filera xente nun tenia fin. Ente emburriones, la xente esperaba baxo’l sol, impacientes, nerviosos, muertos de sede.
La ocasión merecíalo. El propiu Quini taba a lo caberu, yera la meta. Repartía entrades pa un partidu únicu, el so partidu.

La xente cada vuelta más desasosegada, los emburriones cada vez mayores, la filera rota, zapatos que escapen de la filera, gorres de la caxa d'aforros polos suelos…

- “Quini! Quini! Dame una entrada pal nietin”

Güei, cuando voy camin del Molinón, recuerdo aquel partidu como si fuere ayeri. Nun m’ alcuerdo de cómo xugaron, del resultau, de los cambios nin de les meyores xugaes, alcuerdome de les grades, de l’ambiente, de volar polos aires con cada gol de los nuesos, del relevu, del cartel de fueu que lu despedía, de la emoción del públicu.
Indundenseme los güeyos de llárimes.