Entradas

Mostrando entradas de julio, 2017

La Habana

Imagen
Día 0: Nun se...munches. Munches hores ehí enriba. 

Nueche 0: 
Nel Malecom les guitarres siguen tando muncho más presentes que'l soníu ranciu de la música enlatada en teléfonos móviles. Los mozos traten de ganase con elles el corazón y los bolsiellos de moces y turistes. Los coches Lada llancen ritmos tecno noventeru peles sos ventanilles. Nengún coche baxa de los 90-100km/h nesti paséu marín. Fai chornu y humedá. La cai tá petada de xente.

Día 1:  En La Habana vieya hai escueles de tres pisos onde van 196 neños y neñes de 5 a 11 años a deprender la educación básica.Mañana tienen la fiesta de fin de cursu nesta. Les maestres y la directora quéxense de la tremenda escasez de materiales. Tamién muéstren con arguyu los trabayos de l'alumnáu. Nada más noble y humanu qu'una escuela
Tarde 1:  La Habana vieya ye decadente. El barriu nun son les cais atestaes de turistes a la gueta d'un mediocre 'mojito' en La Bodeguita del Medio.