Entradas

Mostrando entradas de julio, 2011

Tres condiciones

Imagen
Llegamos nún de los masificaos tresportes qu'acondicionaren pa mover a los visitantes. Baxamos ente emburriones. Dos muyeres mayores, al tratar deblincar dende la plataforma, tuvieron a un tris de ser triaes pola menada. Zarraos ente les muries metáliques avanzamos enfusándonos na balasma de xente que s'atracaba bloquiando la entrada y salida. Les primeres casetes, les úniques que podríen ser d’interés naquel llugar, acabáronse primero que pudiera moveme al llateral onde s'atopaben. La masa enfervorecida namás me dexa dir nuna dirección. Empezó, nesi intre, l'ataque atronador de ruios entemecíos de los altavoces semaos a lo llargo d’aquel espaciu llendáu por zarros. Sabía qu'a partir d'esi precisu momentu, nun nos diben abandonar en tol tiempu que nos tuvieren ellí. El túnel que lleva a ca ún de los submundos vuélvese escuru de contino, y los vapores pueden apaecer dende cualesquier ínfimu microespaciu. La pestilencia apodérase del ambiente, y a midida qu’ avan

Apuntes n'impar (ii)

Imagen
Estos díes n’impar, cuando ando a la solana pente les peñes, a la vera’l salitre, apetécenme zreces. Nunca nun m’alcuerdo de meteles nuna bolsuca pa comeles a l’oriella de la mar. Quiciabes nunca nun m’alcuerde de meter un cachin tortiella tamién. La cosa ye que pasen les hores, mirando pa una boya colorada que flota xugando coles foles. Va más de diez años que nun diba a echar hores así. Quiciabes en 10 años seya quién a consiguir meter les zreces

Prau Gervasia

Imagen
L’otru día, dempués del emotivu conciertu de N’Arba nel festival “Tolo d’Asturies” de La Felguera, Ambás y yo facíemos alcordanza d’aquelles romeríes del Prau Gervasia de Candás. Aquelles nueches celtes entamaes pol Ensame Xuvenil Trisquel yeren cita indispensable del branu. Lo mesmo taba orbayando, lo mesmo lloviendo d’esto que nun abocana, lo mesmo yera una nueche d’estrelles y lluna clara... Dábanos igual, ellí tábemos, plantaos a pie d’ escenariu. Saltaben Lliberdón a escena y yá taben los primeros glayíos y los primeros blincos pente’l prau. ¿Quiés un piso? ¿Un Xalé? ¿Un pixín? ¡Tiéneslo! Mentanto, na barra, pegábense poles caxes de sidra y los bocadillos de quesu con llombu, recargando fuercies pa les hores de vida que taben por llegar. N’Arba yera’l puntu fuerte d’esa nueche, d’eses nueches. Dempués del silenciosu respetu col que sintíamos “La danza Salcéu”, alloriábamos “de Grau a Concarneau” con “El cura ta malu”. Auténtiques ayalgues nunes hores máxiques, que nun veíen final

El principiu del fin

Nun ye qu’un 7'9754 seya la panacea de les notes d'una oposición, pero toi contentu. Un 7’9754 n’otru añu impar, con un cursu d’adautación a grau y con un proyeutu bien guapu de Xentiquina per mediu. Espero qu'esto pueda ser el principiu del fin, y como diz Zahara, que seya una mudanza bien fecha Gracies, a ti, siempre

Apuntes n'impar (i)

Imagen
En Belmonte, el suelu yeren castañes que s’afanaben por pinchanos en toles posiciones. Atravesaben, ensin piedá, coles sos alfileres la toballa. Dempués llego l'abrazu, antes de durmir ente los rayinos del sol que buscaben el so sitiu pente les fueyes del techu. La felicidá y el cielu podíen apalpase sin falta de más nada.

suaños

Imagen
Una vez suañé dende los tos güeyos

Ven

Imagen

Dacuando

Imagen
Dacuando, atapecíen les tardes pente la sablera. Dacuando abocanaben les lluvies de los años impares. Dacuando. Dacuando olvidaste’l llantu pente los regueros de les mios manes, dacuando volíste a ser una sorrisa pente les nueches de lluna inmensa. Dacuando volvisti a querete sintir dacuando. Dacuando yeres tu. Davezu escaeces dacuando. Dacuando escaeceste a ti Davezu escaeceslo tanto[…]

D'homenaxes y romeríes

Imagen
19.31h ¿Val la prueba? – Sergio da l'Ok dende la mesa soníu – Gracies, tol mundu fuera del escenariu, vamos abrir puertes . Va diez minutos la cola pa entrar al Auditoriu d’Uviéu entamaba a dar vuelta pela esquina y llegaba a la ilesia. Los encargaos de la entrada llevaben tres o cuatro hores alloriaos de tantu traxín que traiemos. -¿Van toos pa lo de Xentiquina?- Una pareya, al fondo llevanten el brazu, ablucaos…. – Non, nós vamos a… - nun-yos da tiempu a acabar la frase – Val, pues tienen qu’entrar pela otra puerta… 19.40h La sala grande del auditoriu entama llenase enforma. De camín a la cabina proyecición atópome con mio má que me para pa cuntame nun se qué coses de que si hai muncha xente y de que si merendé, de que si… y yo con prises y con calor. Y l’ascensor que tarda… 20.05h Y como siempres, les autoridades lleguen tarde… y too entama tarde y yá tamos fuera de tiempu enantes de presentar a Aida Castañón y a Naciu Varillas. Entamamos con un pelín d’estrés colectivu

Toñín

Imagen
En Carrió yeramos 5. Toñín venía dalgúna fin de selmana dende La Corredoria. Nun yera la bicicleta la so pasión fundamental, yera más bien el futbol. En Carrió casi nunca xugabemos al futbol. Namás cuando venía Toñín. Armábamos unes porteríes coles chaquetes, onde’l patiu la ilésia, y dabemos-y cuatro pataes, mal daes, al balón que taba siempres nel desván de Casa Falina. Él yera el que meyor xugába. Nunca nadie entendió cómo un mozu que naciera en Xixón fuera tan fanáticu del Uviéu… bueno, tampoco entendíen como yo, que ñaciera na capital, yera más del Xixón. En Carrió fuimos siempres más de baloncesto, pero a él nun-y prestaba muncho xugar de base. Xugábemos al Risk, y fue’l primeru en enseñanos una consola que nun fuera de xugar al tenis con cuatro rayes. Carlinos yera’l güelu de Toñín y siempres taba trabayando na güertuca pindia que teníen a la vera casa. Nun se cuantos carretaos de fabes sacaben d’aquella tierruca, pero el recuerdu más nítidu que tengo ye esi, el de Carlinos aten

Aurrevoir

Imagen
Marchó Xentiquina, marchó Seliquín. Esti xueves, más de mil persones tuvimos homenaxeandolos nel Auditriu d'Uviéu. Hasta la cabina d’arriba, llegaron les llárimes emocionaes d’un Nacho Fonseca que merez eso y muncho más. Pola mio parte, muncho qu’agradecer a Jose Luis Remis, que punxo tola pasión pa que saliere p’alantre, y con coherencia, esti actu que va quedar nes retines de la memoria de tolos que lo esfrutamos. Y a la familia Fonseca, cómo non, les gracies eternes por dexame entrar nes sos hestories de vida. Xentiquina y Seliquín, Seliquín y Xentiquina queden agora nel recuerdu, y los testimonios de los que vieron como medraben queden nel documental qu’asoleyo xunto colos discos homenaxes. Seliquín- Xentiquina. Una ferramienta pedagóxica al serviciu de la escuela n’Asturies. Esti sí que tamién merez la pena.