Entradas

Mostrando entradas de abril, 2010

Nunca amaneció que nun atapeciera

Imagen
[...] Tornó l’ausencia de colores nel aire de rellumes nes autopistes nel horizonte de la mar Entá, nunca amaneció que nun atapeciera.

Del revés

Güei intenté durmir del revés. Esto ye... dando-y la vuelta a la cama... Queria ver la lluna mientres suañaba... Nun fui quien a zarrar los güeyos y dexar de mirala.

Conciertu pola Oficialidá

Ayer, munches coses, demasiaes xuntes. Una voz con forma nota nel aire. Oficialidá

Proyeutos lliterarios

Imagen
Munches vegaes, los bonos proyeutos tienen qu'esperar que sía'l so momentu. Otres vegaes, los proyeutos curiosos, precisen de la xente que-yos dea un últimu emburrión por que salgan alantre. Algamar Producciones celebra'l Día del Llibru dando anuncia de la so incursión nel mundu lliterariu de la mano de Suburbia Ediciones. Suburbia y Algamar van collaborar nun proyeutu de llargu percorríu que aseyará en 2011, y nel que se van entemecer los campos de trabayu de dambes empreses.

llueve n'Uvieu

Imagen
Entamó a correr namás velo al otru llau de la cai, garró impulsu, blincó, alzose nel aire y estiró’l brazu p’ apalpiar les estrelles fugaces de la qu’esnalaba camín de les ilusiones. Y cayó, nel mediu’l charcu, enllenando tolo seco de l’acera de colores vivos, brillos ya reflexos. Estrenaba catiusques, del color de los atapeceres dende’l faru de Peñes. Prestaba-y lo que más midir la fondura de los mares y llagos de la ciudá col so paragües del color de les fueyes de castañu n’ochobre [...]

semando vides ayenes

Imagen
[...] Y dempués, esos a los que consideraba los mios amigos faen planes escluyentes y pasen de mi, nin siquier pa dir ver la última película de Tim Burton. Y amás pídenme que-yos dea les gracies porque ye una peli mala, “ínfima” dicen.[...]

Hiperficcion narrativa

Imagen
De los llibros xuveniles, los que más me llamaron l'atención, siempres fueron los de la saga “escueye la to propia aventura”. Nellos el llector toma decisiones sobro la forma d'actuar de los personaxes y modifica asina'l trescurrir de la hestoria La hiperficción narrativa, acabó esta vegada na páxina 25. Páxina 2: “[…]Dempués de perder toles pertenencies al rompete’l macutu de viaxe, atópeste sentau nel únicu andén d’una estación que paez abandonada al destín, y na que’l reló lleva meses paráu na primer hora impar. Eches-y una güeyada a los horarios que tan escolingaos nel tableru d'anuncies pero daste cuenta que nun tien de pasar per elli ningún tren col que facer un cambiu d’estación. N’esto suena un pitidu. Das la vuelta y yes quien acolumbrar, lloñe, un tren que paez de pasaxeros, nun tien pinta de parar, sicasí amenorga la velocidad al pasu per les víes del andén.” Si quies xubir al tren ensin billete vete a la páxina 25. Si nun quies xubir al tren y prefieres esp

Apuntes d'entamu #1

Imagen
Ello yera una caparina de mil ún colores qu’esnalaba peles viesques de la marina norteña a la gueta d’una flor máxica que-y curara la maldición de nun sentir l’aruma de les coses guapes. Tiempu pasara dende que-y robara’l sentiu de sentir, un vieyu ya desdentau bruxu que tinía l’encargu d’un rei malu de facer unes pociones que-y permitieren sentir tolo que, por mor de lo malu que yera, nun algamaba a comprender ni sentir. [...]

Güeyos ya música d'una fin de selmana

Imagen
Na fin de selmana de La Flor de L.lena, Skanda, nun escenario descompensau pola ausencia temporal d’Ana [échase muncho en falta] , presentó el so quintu trabayu, Folk&Roll Circus, ante la poca xente que preferimos sentir les vibraciones de sentimientu que tresmiten dende’l pulpitu musical, a les vibraciones encontraes d’un madrí-barÇa de sábadu nueche. Carás fizo el so debú ente un públicu qu’esfrutó amás del sol de les dos de la tarde d’un domingu d’Abril. Una formación esperimentada, un Humberto que tresmite toles ganes ya un soniu compactu y frescu. Mentantu, Verde Cannaia algamaba’l vienres el primer premiu del concurso de maquetes de la Universidá d’Uvieu. Nun ye difícil qu’esti grupu seya quien a convencer a cualesquier públicu, xuráuy o lo que se yos ponga delantre. Y yo contentu,mirando detrás de la muria y cultivando una sorrisa.

Coses d'Abril

Imagen
Nun se, pero pa mí que los abriles d’años pares traen noticies prestoses siempre, anque seyan, n’algunos de los casos, noticies “estraoficiales”. Y ye que igual ye pol aire cálidu que fae qu’el suelu entame a desprender l’aruma de la lluz de la primavera – branu, o poles emociones que soi quien atopar nes pallabres sinceres de les nueches que vuelvense mañanes. Ye posible que seya pola música bono qu’aporta pa quedase nos susurros del silenciu. O poles miraes y caricies d’esos llabios que falen d’afalagos, d’hestories de lo qu’asocede no cotidiano, de aires de cuentu y de coses de la mar. Abril llega con noticies d’arguyu, de munchu arguyu, con noticies d’inspiraciones, noticies de futuros presentes y de presentes de futuru. ¿Serán bones les coses d’abril?

Cuentinos robaos. L'Aire del sur

Imagen
Eva llevantó los brazos ya invocó l’aire nun actu casi reflexu. Mientres, Paula mira pa la cometa de colorinos que ta postrada a los pies de la muria. Alza la vista siguiendo'l sedal hasta llegar a les yemes de los deos d'Eva, qu'afalaguen l'aire y les poques fueyes seques qu'entamen vuelu. Eva sigue llamando a l’aire y Paula ponse de dides, espurre los brazos y , tratando de coyelos, llama a los rayinos del Sol. Aireeeeeeeee Sooooooooool Una rabasera d’aire del sur ximielga los sos pelos. Eva, cola mano llibre quita la melena de la cara y cola otra vuela la cometa, qu'agora sí va en busca d’un abrazu del Sol.

Falagos

Imagen
[...]Y ye que yá taba por dir al mélicu, porque, nun se si lo sabeis, pero si nun se dan, estos falagos merecíos, de los que son nuesos y sentimos de verdá al dicilos, van empodreciendonos per dientro, dende esi sitiu impronunciable que ta ente’l corazón y los pulmones y, claro, acaben mancando a ún. Lo que hai que facer ye buscar a dalguien que los mereza, pa poder dalos, y así poder anovalos coles sorrises y les mirades nueves n’espeyos vieyos. [...]

Suañando abriles

Imagen
Nos primeros díes d’abril entá suaño con númberos que sumen momentos [de sorrisa en playes y sablones], en cuartos y semeyes, suaño con caxes enllenes de marionetes ya ilusiones[...]