Skancia

Va muncho tiempu que nun taba nun rodaxe... ún rodaxe d'estos de cuentinos, de más d'una llocalización, de sensaciones, de lluces, de rincones... echábalo de menos

Y sin cuntar con ello, en 2010 con Algamar sacamos el discu de La Col.lá Propinde, el de Skanda, el de Carás, el de Misiva, el de Fala Non Caduca, el d'Héctor Braga, el de Darbuka, un pocu'l de Skontra y grabamos parte del d'Edu Vigil…. Y sin cuntar con ello, en 2010, Bisarmes salió a la lluz (a la fín) y llevó premiu nel Cabu Peñes y na Academia de la Llingua, y dexé a un llau a Ella y Ariel y robé cuentinos de Sol y Aire… Y sin cuntar con ello, en 2010 diome por escribir sobre gatos, sobre ti, sobre mares, sobre playes y sableres, sobre mancadures, sobre ti, sobre estaciones abandonaes, sobre solombres, sobre suaños, sobre meses, sobre ti, sobre agua, sobre charcos, sobre ti… Y sin cuntar con ello, en 2010 yá nun ta y de sópitu volvió y ensin pensalo apaeció… Y n’esto acabo'l 2010 naguando abriles, esperando sandíes, zreces, esperándote…

Avientu espierta col sol escolingando de les paredes del cuartu. Mientres, les gaviotes piquen les ñubes y caricien l’aire frío. Atapez.

Güei toca falar d'apoderase de coses ayenes, coses que nun son d'ún, pero faise como si sí lo fueren. Y toca falar d'eso polos Premios Andrés Solar que cada añu otorga la Xunta Pola Defensa de la Llingua Asturiana. A mi namás me robaren dos veces (que yo sepa) (el mesmu personaxe les dos vegaes). Tampoco ye que tenga demasiaes idees estupendes que merezan la pena copiase. Pero fadia, y munches de les veces fai que se te quiten les ganes de siguir teniendo idees, anque lo que tamién ye verdá ye qu'apriendes a tener idees y a guardate les pa ti solo (y eso ye un rollu, porque, a lo menos a mí, préstame cuntar les coses, les idees, les hestories…). Una vegada, nuna entrevista conxunta, daquién preguntónos por futuros proyectos. El futuru yera un documental. El futuru yera cuntar una hestoria, un cuentu d'esos que son realidá. A los diez díes robáronnos les ganes de cuntar esi cuentu. Otra vegada, n'otra entrevista conxunta, daquién preguntónos por futuros proyect

Lo frío entró pela puerta, pasó raspiándo'l mio llombu y siguió ensin detenese percorriendo col so aliendu tola paré de piedra . Esta nueche nun quixi llevantar la cabeza

La cultura ye gratis Malpenes 12 hores dempués de dexar los primeros exemplares del discu de Fala Non Caduca nos sitios d’avezu, yá teniemos pirateau el discu na rede. Interné ye nación Interné ye un sitiu perafayadizu pa esparder les propuestes culturales, pa dar a conocer a los creadores y pa echar abaxo el trabayu de toos ellos. 10 € ye un discu (o tres cerveces) Vamos echar cuentes de lo que cuesta grabar un discu (dempués de muncho regatear): •Estudiu de grabación: 3200€ •Cópies: 2000€ •Diseñu: 300€ •Viaxes, gasolina, colaboradores, etc. 350€ Esto ponnos nunos 5.850€ . Nun voi sumar ehí el gastu de viaxes a los locales d’ensayu del grupu, los gastos del alquiler del local d’ensayu, los gastos en papel y boli pa apuntar los temas, los gastos de tomar un manzajú y una bolsa patates Pumarín en mediu ensayu, nin siquiera voi cuntar coles perres que supón, pa los que tienen suerte y trabayen, pedir hores pa dir a grabar. Val, ta bien, tampoco cuntamos colo que cuesta distribuir el disc