Entradas

Mostrando entradas de agosto, 2011

Naufraxu

Imagen
Nel mes de mayu de 2008, abrimos el flog “Cosesdelamar”. Cosesdelamar yera un paseu pola vida, un paseu pelos sablones y los díes d’aire puru, una manera bien guapa de dexar muezques de los díes en positivu, y una manera de descubrir toles coses que pudieren ser base d’un cuentín con final feliz. Güei, pasiando pel sablón de la playa de Xagó, guetando dalgo d’esi aire eternu, atopeme colos recuerdos d’ún diecisesi de mayu del añu 2008 . Esi día, n’esa dómina, retratamos una muñecuca de güeyos azules y espresión asustadiza. Non, agora que lo miro nun ye la mesma, pero n’esi intre, el mio corazón bombió sangre de zucre pente los restos del naufraxu

A vueltes con El Rifa

Imagen
El Rifa llámase en verdá Xulio García Zapico, y ye de Tiñana. Ye un paisanín non mui altu, un poco grandón de tripa, con un pelo canoso que dexa entrever, na metá de la tiesta, el pelleyu propiu del pasu de los años. Enriba la boca un bigotín cuidau, blancu como él solu, que talmente paez que brilla. Gánase la vida yendo de pueblu en pueblu nos díes de romería, tocando unes piezuques de repertóriu caribeñu al són del so curdión de marfil. Amás el nomatu de El Rifa nun vién solu. Ye l’encargáu d’animar les rifes de les papeletes del xamón o del paxu de navidá. El día la Virxen tolos pueblinos de la cortorna mátense por tenelu pa la puya’l rámu. El Rifa ye un profesional del ilusionismu numbéricu. Nun hai nesti mundiu naide capaz de vender tántes rifes y d’ amañar tantos concursos como él. Los de les comisiones de fiestes sábenlo, saben que fae trampes, porque nun ye normal ganar güei un llacón en Caborana y mañana dir a Cualloto y marchar col quesu, dempués de que-y toca

Pente escayos

Imagen
Los bardiales crecen y tapen les muezques que dexáramos a la vera la mar. Revolviendo pente los escayos y los felechos entá s’acolubren lletres que’l salitre y los díes nun fueron quien a borrar.

viñeta

Imagen
Y n'esto, zarró’l cuentu y él quedó atrapau dientro, nuna última viñeta en blanco

03.08.09

Imagen
y les nueches d'estrelles dexaron d'allumar requexos de la mar