Entradas

Mostrando entradas de enero, 2011

Vou pa Cangas

Imagen
Güei tocame volver pa Cangas del Narcea, llamáronme pa facer una presentacios de los mios trabayos audiovisuales. Ayeri tuvi preparandolos y dime cuenta de... ¡Qué falta de renovalos!!! Voi pone-yos curtios, dalgún vidioclí y llamádes al sol y a l'aire

Llárimes

Imagen
Esfueyando una panoya colos güeyos enl.lenos d'agua los mios llabios nun se mueven ye la tiesta la que fala Dende un tiempu la cordura na mio vida enl.loqueció allargándome la pena ta pasándome de too Dende que nun me mirasti voi facer un firmamentu pa llenalu colos cachos que me rompisti per dientro LLARIMES, LLARIMES, LLARIMES Güei finasti coles penes d'una l.luna ensín la miel escaez la to mirada ascuares de la to piel Una moza con dos cares na cara tién dos cruces una cruz na to cara na mio cara nun la busques Güei les penes nun son penes que tan feches de papel ventolín de la montaña ven y l.lévame con él LLARIMES, LLARIMES, LLARIMES

de satisfaiciones

Imagen
Y de sópitu, mientres tamos peleando pa sacar p’alantre el conciertu del decimu aniversaiu de La Collá Propinde, anúnciennos que tenemos 7 nominaciones a los premios AMAS . Y a mí préstame pola vida ver na llista a toos ellos, a Héctor Braga como meyor instrumentista y como meyor álbum folk, que se lo merez; a Carás, que sigue engarrandose cola suerte tolos díes, como meyor lletrista; a La Collá con sus 2417 y esa voz d'Esther Fonseca; a Misiva por ser Siempre Fiel a la so parte de la solución; a Zapico col so diseño de Skontra…. Y cómo non, a Skanda, con tolo especial qu'ello tién... http://acurti.es/Qon

cultu qué?

Imagen
Tranca Alborá, marcha’l Derrame, tranca (entá namás) la llibreria de Trabe, El Comercio cola pa Benavente, nun se venden llibros, nun se venden discos,CNN+ ye GH24h, nes charres culturales nun hai más que tres o cuatro engañaos, nel FICX nun s'escosen namás que malpenes 3 sesiones, nos conciertos nun hai xente, inagúrase El Muselón, la mio ropa yá nun fiede los sabados al alborecer ... algo ta cambiando…

Quereres

Imagen
[...] Quisiera un besu emprestau[...] un aliendu robau un calor, una pallabra, un relfexu[...] Quisiere una ponte de madera curvao[..]

nortiada

Imagen
[...] Rondes los mios suaños, los mios afalagos de sabanes seques y cames vacíes. Rondes les mios manos cariciando una nortiada enllena d'engañu. [...]

Blogues n'ast

Imagen
Estos díes podeis votar al meyor blogue n'asturianu. Una buena iniciativa pa potenciar la nuesa llingua, el so usu y la so normalización. Equí teneis la web http://meyorblogueast.zobyhost.com/ Ehí vais topar un buen puñau de blogues que, de xuru,van prestavos.