Entradas

Mostrando entradas de octubre, 2009

Ya el fríu cálmase

Imagen
Ya el fríu cálmase
nel mesmu tiempu nel que l’agua dame’l so calor
la tebieza espoxiga peles mios manes
que llueu búsquente ,
caricien les tuyes afalagandose,
refléxome nos tos güeyinos enllenos de sal
ya bebo d’ellos,
d’esa fuentina de gota a gota
d’espera
d’esperanza que nun alcanzo.
Suenen cuatro filos cariciaos
nel to costazu
y búscote
y alcuentrote
colos güeyos cerraos
pensándote.
Acurrucome ente los tos brazos
d’ente los qu’enxamas debiera salir.
Suaño.
Lloro.
Aínda nun quiés que seya pa siempre.
Entá quedame esperar.

Coses de la mar

Imagen
[...]
- Na más tienes que zarrar los güeyos, meter aire nos pulmones ya imaxinar qu’esnales penrima les roques, penriba’l pedreru onde enganchamos aquel pulpín cuando taba la mar quieta la otra selmana. ¿Tas goliendo l’ocle? Eso ye que la mar ta calma, pero que, a nun tardar, va llevantase’l nordés y eses oluques que agora nun son ná, van llegar equí. -

Yo zarraba los güeyos, esnalaba penriba’l pedreru y mientres me despeinaba l’aire la mar, golía aquel ocle enllenu de salitre y humedá.
[...]

L'amargor de l'espera

Nesti intre de nueches de pesadiel y díes que nun entamen, na más me queda copiar, pegar y antroxar cachinos de poemes y cantares a la espera del rellume que me saque d’esta oscuridá.

Pero si nengún día nun vuelve,
que voi facer, si nengún día nun vuelve.
Si la vida traidora
me la roba yá pa siempre.


Dote

Y ofrezcote amás la mio vida, pa que la xuntes cola tuya y faigas un mecigayu del que salga una nueva, que seya la nuesa.

castañes indies

Imagen
[...]Ana ta a la puerta la escuela esperándome toles mañanes dende Setiembre a Avientu. En cuantes me ve apaecer pente les portielles cuerre a buscame y estira’l brazu. Apurro-y la castaña más grande y guapa. Ella garrala ente esos guantes bancos qu'aveza llevar nos díes de frío y métela en bolsu.[...]


Nueches de tormentes y rayos

Imagen
[...]taba namorada de les estrelles y la lluna, del cielu de la nueche, del rinchu de los grillos de peña, del silenciu del monte y del ruiu del vientu ente los castañales. [...]



Quien tien amor nun dormirá

[...]Los suaños, munches vegades, son tán prestosos que nun apetez espertar d’ellos, y si espiertes, xusto nel momento nel que, nel suañu, vas pa la cama, confundiraste. Pensarás que ye verdá lo que suañares, y que tú echastete na cama y acabes d’espertar.[...]

llárimes de sal

Imagen
[...]Mio güela Matilde deprendiome que les llarimes que tienen tastu a sal lleven todes el nome de les persones que más queremos.[...]

Premiu!

Dempues de recibir esta tardi l'abrazu que inventara ente suaños la otra nueche, llegóme va una hora la segúnda mayor allegría del día (nun tien comparanza cola primera).

Va unes selmanes espublizara equi dellos microrrelatos que mandara a un concursu qu'entamara la xente de la Asociación Xaréos! y la Revista Formientu, pues bien, resulta que prestoyos un d'ellos y creyeron que xunto col de Rubén Rey, merecía ganar esti primer certame del Premiu Formientu de Microrrellatu Mozu.

Dexovos equi lo que dixo'l xuráu:
----------------------------------------

El I Certame de Microrrellatos Mozos «Formientu» yá tien fallu del Xuráu

Xixón, 7 d’ochobre de 2009
L’asociación Xareos! y la revista Formientu, en collaboración cola editorial La Cruz de Grau, convocaron el I Certame de Microrrellatos Mozos «Formientu» “col envís d’afalar la creación lliteraria ente los escritores más mozos y ayudalos a esplorar les sos posibilidaes”.

El xuráu de la primer edición del Premiu Formientu de Micro…

Suañu

Imagen
¿Ye posible sentir un abrazu nun suañu?
Desperté por que sentí el tuyu, abrazábasme coles mesmes ganes que si fuere miu [...]
Llevo 15 minutos inventando mentíres[...]

Paxarín parleru

Imagen
[...]Un paxarín parleru na cabeza ye bien fácil de reconocer, fálate y cántate y tú escucheslo perfeutamente y nun sabes si lo que sientes ye tuyo o ye d’él.[...]



Puercuspín

Imagen
El mio collaciu Nelón nun supo hasta esti día qué yera lo que-y pasaba.

Notaba un vaciu nel estómadu, pinchacinos per dientro’l so cuerpu y ganes de nun tener ganes de ná.

Nelón nun sabía que dende fai ya tres meses tenia viviendo dientru d’él un puercuspín.

Entro-y pela boca, mientres tomaba un refrescu con tastu a naranxa nuna de les terrazuques veraniegues de la zona vieya de la ciudá. Él nun se dio cuenta, y ye que cuando t’entra un puercuspín d’esos naide nun lo nota. [...]