Ser Humanu

Acabose el rodaxe del videoclip de Skanda.
Dempués de seis díes, dempués de una buena montonera de kilómetros de un llau pa otru, dempués de papar frio, dempués de hores de espera, dempués de rises, dempués de alcontrar llugares perafayaizos pa grabar otres coses… Acabose.

Rubén Pantiga ye el direutor del proyeutu. Un rapaz d’ un pueblin enriba Lada. Ruben estudia fotografía n’una escuela de Londres, y tenía que facer un trabayu pa clase, más que un trabayu un proyeutu, que consistía en rodar un vidioclip.

Rubén pusose en contautu con Ana de la Fuente, vigulinista de Skanda, comento-y l’asuntu y a partir d’esi momento, a mi “engañaronme” pa echa-y un gabitu a Ruben con la cámara, con un poco de planificación, iluminación, producción….

El cantar que eligiera Rubén ye “Ser humanu”, de “El Cuartu”.

Entamamos el procesu, con reuniones inexistentes y una planificiación nada clara (notabase que yera lo primero que esti rapaz grabara). Pero, redios, tiramos d’ello.

Nun hai historia clara, ye un rollu más conceptual, pero con escenes cargades de personaxes, con caracterizaciones de los componentes de la banda, con xente de fuera… muches escenes y muncha carga.

Echonos una mano nel maquillaxe Abel Marqués, un buen collaciu de Mieres y un artista n’esto del make up.

El resultau final podremos velo pa la Selmana Santa… mentantu tendremos qu’esperar impacientes.

Comentarios

Entradas populares de este blog

Cayome un diente