Semeyes movides



A mí préstenme les semeyes movides. Eses semeyes que salen emborronades por mor de la esposición escesiva de la cámara, o pol mal pulsu de quien la garra nes sos manes pa da-y al botón.

Préstenme cuando tan mezclaes con otres d’eses que se diz “bien feches”. Una cosa ye que me presten movides, pero tamién les quietes tienen el so puntín.
Les semeyes movides danme la sensación de que tan vives, de que la xente que sal n’elles nun ta conxelao, que vivía y esfrutaba’l momentu.

Les otres semeyes, les bien feches, préstenme pa recordar llugares o momentos concretos. Préstenme cuando veo unos güeyos abiertos mirándome. Paéz que m’ apetez xugar a eso de a ver quién ta más tiempu sin ciguñar o sin riise, pero ta nidio que nun diba a ganar enxamas.

Préstenme a más, les semeyes nes que la sorrisa qu’apaez n’elles faeme sacar una a mi. Dalgunes nueches, eses sorrises estátiques, eses sorrises que duren lo que duraron son la mio única compañía. […]

Comentarios

Lo que fizo la borona... ha dicho que…
Ye la belleza de lo imperfeuto.



(topete y gustome, agregote a los mios enllaces que va prestame lleete)

Entradas populares de este blog

Cayome un diente