Dende la cañá



N’aquella tarde, sentí’l fríu per primer vegada.
Calábame dende la cañá hasta lo más superficial de la piel.
Enmudecíase la ciudá a cada pasu.
Nun fui quién a llegar al portal ensin que les llárimes aprucieren en forma de cristal.
L’ascensor tardó’n llegar al cuartu písu más de lo normal y el periódicu que tenía garrau baxu’l brazu cayó al suelu.
Yá nun tenía fuerces pa mantenelu conmigo.
La pesllera abrió y apagaronse les lluces que ciguñaben nel eternu pasiellu comunal.
La nevera enllena de nada.
La despensa vacía de calor.
Y la manta de cuadros abandonada nel maleteru del coche.

Prendo l'ordenador, cola esperanza de que daqué radie y desconxele los mios poros…
Fuera la nueche amiya, emborrinada…

Comentarios

Adivín Serafín ha dicho que…
Nun hai silenciu más alloriante que'l fríu. Nun lu busques y apaez. Quieslo y apaez tamien ensin decatate. La ciudá no fondero. La casa ente la piel. Tamién me queda l'ordenador.

Blogsaludos

Entradas populares de este blog

Cayome un diente