Dempues de reencontrame con ella na seición culinaria de la llibreria fuimos a tomar un refrescu de naranxa. Nun la viere dende va casi cinco años y teniemos munches coses de les que falar. Cunte-y que agora yo dedicabame, a la fín, a escribir cuentinos, y pidimome unu - Prestabame que m’escribas un relatu enllenu de suspense, d’aición, de sexu, d’amor, de felicidá, d’ abrazos, de besos, de mirades, d’alcordanza, de verde y azul, ensin mentires, con sonrises..... - Yo prefiriria vivilu - Vivímoslo, aunque nun llegare a perdurar Va cinco años y tres meses que nun tengo noticies d'ella. Soñelo.
Comentarios
Resúltame paradóxico qu’unu que sabe de lliteratura diga qu’esta obra nun ye bona, y que en cambio otros (nun sé quienes son los xuraos) la consideren la meyor novela n’asturianu d’esti añu. Nun hai dalgo que ta mal? Nun chirría dalgo? Nun suena raro?
Nos certámenes de cine, nos certámenes de curtiumetraxes, los que lleven el premiu nun tienen por qué ser simpres del gustu de tolos críticos o entendios que los ven. Nin siquiera ‘l curtiu que más-y presta al públicu pasa a la sección a concursu, y queda nun triste pase de muestra a la hora na que l’equipu de fútbol de la ciudá, xuega’l so partiu más importante en años.
¿Quién ye’l xurau d’estos premios? ¿Tan chumaos? ¿Dalgún de los concursantes anduvo con dalguien del xurau? ¿Cuentes obres se presentaron? ¿Son peores les otres? ¿a los del xurau ye verda que-yos presten del películes de zombies?¿Prefieren el cine que fae Ozu? Son too detallucos, sicasí ye bien importante tener toles coses en cuenta.
Nun se por qué’l xurau de los Premios de la crítica d’Asturies premien la novela de Xurde, pero lo mesmo me pasa con dellos prémios musicales, cinematográficos o con alternatives loxístiques de carreteres… nun se por qué ganen unes y pierden otres…
¿Dalgo raro? Col tiempu yo, nos campos nos que trabayo, dexé de preguntame’l porqué d’estes suertes de concursos.