Escapando de la vida
Pela tarde decatose de que yá nun-y quedaba naide a quien
cuntar les coses de tolos díes. El panaderu pasó, como tolos díes, demasiao
rápido. Malpenes tuvo tiempu pa comenta-y que yá nun quería más periódicos esa selmana.
Les berces de la güerta espoxigaben ensin control, echando
embaxo los palos de los tomates que dexara de la otra temporada.
Miró pa la casa vacía. Les persianes a mediu baxar, la
portiella pesllada, la terrazuca enllena de nada.
Xiró, miró pa la otra casa, pa la suya. Namás taba él nel
mediu del ermu vacíu que, pasín ente pasu, crecía y diba comiendo tolo que
conociera.
Cansó.
Cansó d’esperar.
De nueche abrió la camisa, empapó’l piyama con llárimes de
sal y garró’l primer tren.
Nun tuvo tiempu a despidise de mí.
Comentarios