Skancia

Pasa'l tiempu volando. Yá tamos a domingu y queda poco pa les vacaciones de Selmana Santa. Esti añu en Lledíes les tardes pasen seles, calmes y ensin ruíu. Tiempos pa construyir l'Academia del Cine Asturiano, pa nun acabar de rematar el guión de Yoni, pa pensar en facer películes de Enfantes Terribles y pa nun facer muncho más que na. La pausa del estrenu de "Lluz d'agostu en Xixón. Tres los pasos de Nacho Vegas " nel Ficx fizo que volviera a esfrutar de les butaques llenes nos pocos cines que queden. Espero que la primavera traiga más hores de sol y lluz pa poder mover la mesa del salón y empapar de tinta les fueyes blanques y volver l'añu prósimu.

Día 0: Nun se...munches. Munches hores ehí enriba.  Nueche 0:  Nel Malecom les guitarres siguen tando muncho más presentes que'l soníu ranciu de la música enlatada en teléfonos móviles. Los mozos traten de ganase con elles el corazón y los bolsiellos de moces y turistes. Los coches Lada llancen ritmos tecno noventeru peles sos ventanilles. Nengún coche baxa de los 90-100km/h nesti paséu marín. Fai chornu y humedá. La cai tá petada de xente. Día 1:  En La Habana vieya hai escueles de tres pisos onde van 196 neños y neñes de 5 a 11 años a deprender la educación básica.Mañana tienen la fiesta de fin de cursu nesta. Les maestres y la directora quéxense de la tremenda escasez de materiales. Tamién muéstren con arguyu los trabayos de l'alumnáu. Nada más noble y humanu qu'una escuela Tarde 1:  La Habana vieya ye decadente. El barriu nun son les cais atestaes de turistes a la gueta d'un mediocre 'mojito' en La Bodeguita del Medio. ...

Va nueve años, mi güela Oliva cumplía tal día como güei 91 añinos. Hoi prepare-y un flan de güevu, lleche y zucre pa los sos 100 años. Después xuega'l Sporting y fai sol. Va nueve años

Van 15 díes yá andaos del añu nuevu, ye domingu, son les ocho y veinticinco la mañana. Fai dalgo de fríu, non tanto como nos díes venideros. El día antes tocó tovia andar pel ximnasiu d'embaxo casa. Unes pateaduques na cinta de correr. Nada más allá d'eso. Van 15 díes andaos del añu y son les ocho y veinticinco la mañana.

http://skancia.tumblr.com/post/141863622043/sec7-bloqueáu-int-nueche

http://skancia.tumblr.com/post/140357503113/sec-06-inspiración-del-suañu

http://skancia.tumblr.com/post/140240073328/dacuando-atopo-sitios-inspiradores

http://skancia.tumblr.com/post/139598069273/sec-4-dando-vueltes-a-la-trama

Surde otra idega http://skancia.tumblr.com/post/136979090248/sec03-int-nueche-surde-otra-idega

Borrar escenes, borrar personaxes, destruir diálogos, borrar llínia temporal… http://skancia.tumblr.com/post/136642621853/sec-002-int-nueche-borrar-escenes-borrar

Reinventar http://skancia.tumblr.com/post/136455190368/sec-001-int-día-reinventar

que rabie la pena y nun pueda con nos, que agüeye al rodiu y pueda sorriír  

Tamos acabantes d'aportar al futuru, y nada ye lo qu'esperabemos.

Cosines d'escuela, de cómo usar l'audiovisual nes aules... "Los guah.es quieren trabayar, crear yenseñar les sos películes"

Y mientre, tuvimos contando hestories de cine

Pente medies del falsu branu, un requexu al marxe de la vida.

Foi un güelpe estelar. A primera vista. Otra vegada más. Quedó inmóvil, paráu, colos güeyos bien abiertos, ensin mover nin pizca los llabios. Incapaz d’articular una sola pallabra ente aquel escesu de lluz. Salió per un momentu de les fondures de la vida. Estelábalu. Estelábalu como naide nunca enxamás fuera quién a cegalu d’aquella manera. Siguía plasmáu minutos después d’emborrina-y la vista col so aliendu. Un güelpe estelar, en metá de los repulgos. Un güelpe a la decadencia, d'esos que-y gustaben dacuando.

Vuelvo a L'Entregu, al meyor sitiu onde poder enseñar les coses que ,dacuando, faigo. El llunes 13 d'ochobre participo con "Ea la mio neña, ea" nel Certamen Nacional de Curtiumetraxes Aula18, nel teatru de L'Entregu, a les 19.30h.

Munches de les veces l'andar unos cuantos quilometrinos sirve pa garrar aire. Lo malo ye dar vuelta y dexar ellí esa bolsa d'oxíxenu. [y naguar por ella]