Premiu de l' Academia de la Llingua

Y de verdá que ye un arguyu que l’ Academia la Llingua dé un premiu a un curtiu del que formé parte. Préstame muncho, y tresmíteme eses mesmes sensaciones que me tresmitiera el primer premiu que me dieren, por Aida, nel Festival de Curtios Aula18 va yá pa siete años.

Y ye que, nun ye fácil, nel mundiu audiovisual, tomar el determín de trabayar na nuesa llingua. Si vas trabayar n’asturianu ya sabes lo que te queda, nun poder amosar los tos trabayos y quedate nun círculu a cada vuelta más piquiñin.

Malpenes pués saltar la “censura” acoplando sotítulos n’ otres llingües reconocies y reconocibles pal “gran públicu”.

Pero yo tomé esi camín, y toi contentu. Toi contentu de ser fiel a les mis coses, a mi mesmu, y a esos raigaños culturales.

Préstame muncho, y ye una allegria ente tou esi mar de borrina que tapez l’horizonte.

http://www.asturies.com/node/11162
http://acurti.es/5Kg

Comentarios

Alégrome muncho, Antón y comparto les tos pallabres. Sélo bien dende que trabayo pola Biblioteca Canellada, pero nun tenemos que dexar de facer aquello no que creemos.

Mar

Entradas populares de este blog

Cayome un diente