Skancia

Mientres entamo a pensar nel rodaxe del videoclip de Sambre , paso 5 segundos editando el direutu de Skontra nel DerrameRock. Pa esta selmana toca ponese les piles colos documentales. Esperando como siempre poles subvenciones... aunque cada vez importen menos. Win preguntome el sábadu por Bisarmes. Tengolo apartao, esperando el momentu propiciu.

Güei suañe contigo y coles tos manes. También taba la to sonrisa y aquella mirada dulce que conociera va tiempu. Güei desperté cinco hores y media tarde.

Y ponese a escribir pa recordar el pasau. Y el pasau ye presente. Y solucionar los problemes y acabar colos atascos. Y desentrollar les duldes y los rancores. Con mieu.

Otres veces, atópeste con que ya finó’l día, y el destín faite pasar de fueya, faite esperar. Ye una espera que normalmente acaba con tolo que n’esi momentu rispies, con to aquello colo que suañes, pero el suañu, nun solo el propiu, tamien l’ayenu, fae que seya imposible de realizar. Mentantu, escuches música, llees, aliendes, sientes lo tienes al rodiu. Mañana tarán equi, de nuevu, igual que agora, pero yo nun seré el mesmu.

Dempues de reencontrame con ella na seición culinaria de la llibreria fuimos a tomar un refrescu de naranxa. Nun la viere dende va casi cinco años y teniemos munches coses de les que falar. Cunte-y que agora yo dedicabame, a la fín, a escribir cuentinos, y pidimome unu - Prestabame que m’escribas un relatu enllenu de suspense, d’aición, de sexu, d’amor, de felicidá, d’ abrazos, de besos, de mirades, d’alcordanza, de verde y azul, ensin mentires, con sonrises..... - Yo prefiriria vivilu - Vivímoslo, aunque nun llegare a perdurar Va cinco años y tres meses que nun tengo noticies d'ella. Soñelo.

Tolos domingos que me ve dir al campu cola camiseta y la bufanda, cuentame lo mesmo, el día que algamó una entrada pal homenaxe a Quini. Na Feria Muestres de Xixón, la filera xente nun tenia fin. Ente emburriones, la xente esperaba baxo’l sol, impacientes, nerviosos, muertos de sede. La ocasión merecíalo. El propiu Quini taba a lo caberu, yera la meta. Repartía entrades pa un partidu únicu, el so partidu. La xente cada vuelta más desasosegada, los emburriones cada vez mayores, la filera rota, zapatos que escapen de la filera, gorres de la caxa d'aforros polos suelos… - “Quini! Quini! Dame una entrada pal nietin” Güei, cuando voy camin del Molinón, recuerdo aquel partidu como si fuere ayeri. Nun m’ alcuerdo de cómo xugaron, del resultau, de los cambios nin de les meyores xugaes, alcuerdome de les grades, de l’ambiente, de volar polos aires con cada gol de los nuesos, del relevu, del cartel de fueu que lu despedía, de la emoción del públicu. Indundenseme los güeyos de llárimes.

Ye posible que fuera la nueche, o les copes de más, pero de xuru que fuera d’esa realidá nada nun ocurriera como asocedió. La plaza taba moyada y un chisqueru rotu, de color del sangre, valió como pelota pa nun se mirar a los güeyos. Enxamas lo pensara enantes.[...] Entamu 19.07.2003

Enantes de colgar la fueya coles notes del esame, la mayestra dixonos que teniemos que da-y les gracies por llevantar la mano, que de nun ser por ella, que ye abondo bona y de un corazón d'oru, tabemos toos suspensos. Tengo un 3’5.

Na más cerrase les puertes caí na cuenta de qu’ esi tren yera direutu, nun facia parades. A un minutu de pasar pol apeaderu, quise pensar que’l conductor diba apiadase de mí. Al minutu pensaba en cuál sería el prósimu tren de vuelta.

Al tornar a les ocho la tarde pa casa y salir del ascensor, goliame tol pasillu a comida, a comida rica de nochebona. Al abrir la puerta casa y entrar ya nun golía. Nun se si tengo ganes de merendar.

Va delles tardes nes que na más pongo a sonar el tocadiscos con un tema del discu nuevu de Javier Álvarez, la mio vecina d’enfrente apoyase na ventana y mirando pa’abaxo, pa la cai, mueve el cadril al ritmu de la música. Quedo ablucau mirando pola ventana, detrás de les cortines pa nun ser vistu, con mieu a que cualquier movimientu que yo faiga provoque que’l baille fine de sópitu. La mio vecina d’enfrente ye una paisana de unos setenta años, col pelo a medio tiñir y una bata de les de simpre, d’eses que son mandilón, mandil y a más puedes dexala puesta si tienes la visita de cualesquiera que seya l’amiga que vien a echar la tarde. A la mio vecina presta-y la música que a mí me presta, música que nun ye quien a escuchar, pero sí a sentila.

Nun soporto a la vecina d’enfrente. La que ta de continuo asomada a la ventana del edificiu blancu. Parez que ta sollerte pa ver cuando voi asómame yo a cotillear. Xusto un segundu enantes, ya ta ella asomada, disimulando, faciendo que llimpia los cristales, el cristal, esi cristal de la ventana que ya tien de estar estrozau de tanto pasa-y el trapu. Dalguna vez atopela na cola del supermercau. Enxamas vi que llevara llimpiacristales.

Conocieronse nel tren. Él lleia el mesmu llibru qu' ella. Ella aventaxabalu nuna páxina. Quedaron pa cuntase'l final la selmana siguiente. ROADS

Ayeri la tarde fue prestosa. Reunime con Armando Rodríguez p'avanzar nel proyeutu de documental so’l campu de aviación republicanu de El Valle. Va diez que necesitaba emocióname con dalgun nuevu proyeutu, y Armando consiguió transmitime’l so entusuasmu pol tema. Dende Manfer de la Llera a la Legíón Condor, dende la narración de Hernández Franch al rapacín que por andar colos pilotos rusos llamabenlu El Niño Ruso. Qué ganes de tener un puquiñin de tiempu pa entamar!

Hai delles coses que me faen inquietar. Una d’elles ye la de nun poder facer un travelling nuna cai ensin que aparezcan coches bien feos. La Nouvelle Vague y los sos protagonistas faenme sentir mal, tengo que asumilo. Cada vez que recupero les sos pelicules naguo por rodar na Francia de los años 60. Faltame el guión y fáltenme los decoraos.

Y mientres concreto los proyeutos pa esti añu, mientres espero reunime con les persones adecuades col fin de llevalo alantre, sigo faciendo delles entrevistes a grupinos asturianos pa la web FNAST.NET

Ye bien conocida la mio apuesta cultural pola recuperación y dignificación de les tradiciones d’ésta la nuesa tierra. Entre les “lluches” nes que ando, la más multitudinaria, quiero dicir, la causa que más xente tiene detrás puxando por ella ye la reivindicación de los derechos llingüisticos, la búsqueda de la reconocencia de la nuesa llingua asturiana como una llingua oficial. Ente les mis colaboraciones a ésta causa alcuentrase la grabación a delles persones perconocies nel ambitu social d’Asturies que falen a favor de la Oficialidá. Ye verdá que’l que más conmoción causó fue el testimoniu de Victor Manuel, pues les sos posiciones antañu yeren totalmente contraries (pero rectificar ye de sabios, o eso se diz), pero yo quiero da-y más importancia, y toi seguru de que la tien, al testimoniu de Corin Tellado. Corin Tellado ye bien sabido ye la escritora en llingua castellana que más títulos tien publicaos, y amosaba, al igual que Victor Manuel, una posición contraria ( o eso pensaba tol...

Diz el DALLA (Diccionariu de la Academia de la Llingua Asturiana) , na setima aceición de la palabra, que raigañu ye la tradición fonda o l’orixen d’un fechu social o cultural de muncha tradición nuna comunidá. El pasáu 3 de Xineru tocome vivir la recuperación de un de los raigaños d’Asturies. Trátase de “Os Reises”. Nesti casu fuimos a grabalos al Valledor, nel Conceyu d’Ayande Os Reises son una de les mueses más antigües de les mazcaraes d’iviernu y vienen venceyaes a cellebraciones precristianes d’entamu del añu y enguedeyaes nos ritos naturales de dómines bien antigües. Los reises nel Valledor pidíense tolos años unos díes enantes del 6 de xineru, día que se xuntaben les estremaes comparses de mozos, dempués de tener percorríos tolos pueblos de la redolada pidiendo el guinaldo, na ilesia parroquial, aonde s’entamaba una griesca ritual ente los choqueiros. Los mozos diben mazcaraos, unos con pelleyes, representando lo vieyo y la natura (“los tolos”) y otros con ropa bueno, represent...

Va dellos años que nun escribía. Meyor dicho, que nun me ponía a escribir a gustu. Nun vayas pensar que refierome a noveles llargues, a cuentinos prestosos o a artículos de prensa. Lo mio como sabes ye’l tema audiovisual. Supongo que bien todo xunto, el tener ganes d’escribir, el echar más tiempo a lleer, el echar menos tiempu a perder el tiempu en nada. Pongome manos a la obra con una obra de teatro. Echo de menos l’estrés que supuso el preparar el mediu-musical “José” (del llibru de Palacio Valdés) allá nel añu 2004 y la satisfacción de saber que a la xente-y prestó. Dalgun día prestaríame falar equi de toles llárimes que apaecieron nos mios güeyos el día l’estrenu. Llárimes que nun lleren salaes. Llárimes de lluvia. Y de les llárimes de allegria una selmana dempués. Volviendo a lo que cuntaba, a más de entamar cola obra teatral, pongome con una historia que nun se muy bien pa qué ye, quiero dicir, si va ser un curtiu, un llargu, una serie pa la televisión… La cosa ye que ta prestánd...

Acabose el rodaxe del videoclip de Skanda. Dempués de seis díes, dempués de una buena montonera de kilómetros de un llau pa otru, dempués de papar frio, dempués de hores de espera, dempués de rises, dempués de alcontrar llugares perafayaizos pa grabar otres coses… Acabose. Rubén Pantiga ye el direutor del proyeutu. Un rapaz d’ un pueblin enriba Lada. Ruben estudia fotografía n’una escuela de Londres, y tenía que facer un trabayu pa clase, más que un trabayu un proyeutu, que consistía en rodar un vidioclip. Rubén pusose en contautu con Ana de la Fuente, vigulinista de Skanda, comento-y l’asuntu y a partir d’esi momento, a mi “engañaronme” pa echa-y un gabitu a Ruben con la cámara, con un poco de planificación, iluminación, producción…. El cantar que eligiera Rubén ye “Ser humanu”, de “El Cuartu”. Entamamos el procesu, con reuniones inexistentes y una planificiación nada clara (notabase que yera lo primero que esti rapaz grabara). Pero, redios, tiramos d’ello. Nun hai historia clara, ye...